श्रावणातील पहिल्या सोमवारी नैवेद्यासाठी झटपट बनवा साबुदाणा रबडी, दिवसभराचा थकवा होईल दूर

उपवासाच्या दिवशी अतिशय आवडीने साबुदाणा आणि साबुदाण्यांपासून बनवलेले पदार्थ खाल्ले जातात. मात्र नेहमीच तेच ठराविक पदार्थ खाऊन कंटाळा आल्यास तुम्ही सोप्या पद्धतीमध्ये साबुदाणा रबडी बनवू शकता. जाणून घ्या रेसिपी.

श्रावण महिन्याला ११ जुलैपासून सुरुवात झाली आहे. सणांचा महिना म्हणून श्रावणाची ओळख आहे. श्रावणातील प्रत्येक सोमवारी भगवान शंकराची पूजा करून उपवास केला जातो. या महिन्यात येणाऱ्या प्रत्येक सोमवारी शंकराची पूजा केली जाते. तसेच संध्याकाळी नैवेद्य दाखवून उपवास सोडला जातो. प्रत्येक सोमवारी नैवेद्यात नेमके काय काय पदार्थ बनवावे? हे बऱ्याचदा सुचत नाही. याशिवाय उपवास केल्यानंतर अनेक लोक साबुदाणा खिचडी किंवा बटाट्याची भाजी खातात. मात्र नेहमी नेहमी तेच ठराविक पदार्थ खाऊन कंटाळा आल्यानंतर तुम्ही साबुदाणा रबडी बनवू शकता. उपवास केल्यानंतर शरीरात थकवा, अशक्तपणा वाढण्याची जास्त शक्यता असते. शरीरात वाढलेला थकवा दूर करण्यासाठी संध्याकाळच्या वेळी पचनास हलक्या असलेल्या पदार्थांचे सेवन करावे. पचनास जड असलेल्या पदार्थांचे सेवन केल्यास पोटात ऍसिडिटी वाढून शरीराला हानी पोहचते. चला तर जाणून घेऊया सोप्या पद्धतीमध्ये साबुदाणा रबडी बनवण्याची रेसिपी सांगणार आहोत.(फोटो सौजन्य – pintrest)

दिवसाची सुरुवात होईल मस्त! सकाळच्या नाश्त्यासाठी बनवा हाय प्रोटीन Paneer Paratha, नोट करा रेसिपी

साहित्य:

• साबुदाणे
• साखर
• फुल क्रीम
• वेलची पावडर
• काजू
• बदाम
• तूप
• केशर
• जायफळ पावडर

सकाळच्या घाईगडबडीमध्ये लहान मुलांच्या डब्यासाठी १० मिनिटांमध्ये बनवा तांदळाचे आप्पे, नोट करा रेसिपी

कृती:

• साबुदाणा रबडी बनवण्यासाठी सर्वप्रथम, टोपात पाणी घेऊन त्यात साबुदाणे टाकून स्वच्छ धुवून घ्यावे. त्यानंतर साबुदाणे दिवसभर भिजत ठेवा.
• कढईमध्ये दूध गरम करण्यासाठी ठेवा. दूध गरम करताना त्यात अजिबात पाणी घालू नये. दूध अधूनमधून सतत ढवळत राहावे.
• दुधाला उकळी आल्यानंतर त्यात भिजवलेले साबुदाणे टाकून शिजवून घ्यावे. १० ते १५ मिनिटं झाल्यानंतर साबुदाणे व्यवस्थित शिजतील.
• त्यानंतर त्यात साखर आणि वेलची पावडर घालून मिक्स करा. साखर दुधात पूर्णपणे वितळल्याशिवाय त्यात इतर कोणतेही पदार्थ टाकू नये.
• साखर मिक्स झाल्यानंतर त्यात भाजलेले काजू, बदाम आणि केशरचे दूध घालून घट्ट होईपर्यंत मिक्स करा.
• सगळ्यात शेवटी गॅस बंद करून त्यात क्रीम घाला आणि साबुदाणा रबडी खाण्यासाठी सर्व्ह करा.
• तयार आहे सोप्या पद्धतीमध्ये बनवलेली साबुदाणा रबडी.