सकाळच्या घाईगडबडीमध्ये लहान मुलांच्या डब्यासाठी १० मिनिटांमध्ये बनवा तांदळाचे आप्पे, नोट करा रेसिपी

रवा किंवा मिक्स डाळींच्या पिठाचा वापर करून आप्पे बनवले जातात. पण आज आम्ही तुम्हाला सोप्या पद्धतीमध्ये शिजवलेल्या भाताचे आप्पे बनवण्याची सोपी रेसिपी सांगणार आहोत. हा पदार्थ सगळ्यांचं खूप जास्त आवडेल.

सकाळच्या घाईगडबडीमध्ये लहान मुलांच्या डब्यासाठी १० मिनिटांमध्ये बनवा तांदळाचे आप्पे

Follow Us:

Follow Us:

सकाळी उठल्यानंतर घाईगडबडीमध्ये सकाळच्या नाश्त्यासाठी किंवा डब्यासाठी नेमकं काय बनवावं सुचत नाही. लहान मुलांना डब्यासाठी नेहमीच काहींना काही चमचमीत पदार्थ हवा असतो. पण सतत बाहेरील तिखट किंवा तेलकट पदार्थ लहान मुलांच्या आरोग्यासाठी चांगले नाहीत. त्यामुळे लहान मुलांना नेहमीच नाश्त्यात हेल्दी आणि चविष्ट पदार्थ खाण्यास द्यावेत. आज आम्ही तुम्हाला सोप्या पद्धतीमध्ये तांदळाचे आप्पे बनवण्याची सोपी रेसिपी सांगणार आहोत. बऱ्याचदा घरी भात शिजवल्यानंतर तो शिल्लक राहतो. शिल्लक राहिलेला भात फेकून देण्याऐवजी त्यापासून तुम्ही काहींना काही चविष्ट पदार्थ बनवू शकता. नेहमीच कांदापोहे, उपमा, शिरा खाऊन कंटाळा आल्यानंतर चमचमीत पदार्थ खाण्याची इच्छा होते. चला तर जाणून घेऊया सोप्या पद्धतीमध्ये तांदळाचे आप्पे बनवण्याची रेसिपी.(फोटो सौजन्य – pintrest)

साधी लस्सी खाऊन कंटाळा आला असेल तर सोप्या पद्धतीमध्ये बनवा Strawberry Lassi, चव लागेल मस्त

साहित्य:

• शिजवलेला भात
• हिरवी मिरची
• दही
• रवा
• मीठ
• कांदा
• मोहरी
• कढीपत्ता
• तेल

दिवसाची सुरुवात होईल मस्त! सकाळच्या नाश्त्यासाठी बनवा हाय प्रोटीन Paneer Paratha, नोट करा रेसिपी

कृती:

• तांदळाचे आप्पे बनवण्यासाठी सर्वप्रथम, मिक्सरच्या भांड्यात शिजवलेला भात घेऊन त्यात थोडस पाणी घालून पातळ पेस्ट तयार करा.
• तयार केलेली पेस्ट भांड्यात काढून त्यात रवा आणि दही एकत्र मिक्स करा.
• नंतर त्यात बारीक चिरून घेतलेल्या भाज्या, कांदा, शिमला मिरची, हिरवी मिरची आणि चवीनुसार मीठ घालून व्यवस्थित मिक्स करा.
• फोडणीच्या वाटीमध्ये तेल गरम करून त्यात हिंग, मोहरी आणि कढीपत्ता घालून व्यवस्थित भाजा.
• तयार केलेल्या आप्पे मिश्रणात फोडणी मिक्स करून घ्या. सगळ्यात शेवटी चिमूटभर सोडा घालून मिक्स करून घ्या.
• गरम करून घेतलेल्या आप्पे पात्रात तेल टाकून वरून तयार केलेले मिश्रण घालून दोन्ही बाजूने आप्पे व्यवस्थित शिजवून घ्या.
• तयार आहे सोप्या पद्धतीमध्ये बनवलेले तांदळाचे आप्पे. हे आप्पे हिरवी चटणी किंवा खोबऱ्याच्या चटणीसोबत तुम्ही खाऊ शकता.

Web Title: How to make rice appe at home simple breakfast recipe cooking tips food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com