सीफूड लव्हर्स ही रेसिपी तुमच्यासाठीच! झणझणीत चवीची ‘कोळंबी करी’ घरी कशी तयार करायची ते जाणून घ्या

Praws Curry Recipe : सीफूड लव्हर्ससाठी खास आजच्या मेजवानीत आम्ही तुमच्यासाठी सर्व्ह करत आहोत कोळंबी करीची एक स्वादिष्ट रेसिपी. पारंपरिक चवीने नटलेली ही डिश रविवारच्या जेवणासाठी एकदम परफेक्ट आहे.

रविवारचा दिवस म्हणजे नॉनव्हेज खाणाऱ्यांसाठी त्यांच्या आवडीचा दिवस. या दिवशी बहुतेक लोकांच्या घरी मांसाहारी जेवणाचा बेत आखला जातो. अशात तुम्हीही जर सीफूड लव्हर्स असाल तर आजची ही रेसिपी तुम्हाला नक्कीच आवडणार आहे. आज आम्ही तुमच्यासोबत शेअर करत आहोत कोळंबी करीची एक चविष्ट आणि मसालेदार अशी रेसिपी जिचा सुगंधच तुमच्या घरात सर्वांच्या तोंडाला पाणी आणेल.

गरमागरम वाफाळत्या भातासोबत खाण्यासाठी झटपट बनवा घट्टसर तूरडाळीचे वरण, घाईगडबडीमध्ये झटपट तयार होईल पदार्थ

कोळंबीचं नाव घेताच तोंडाला पाणी सुटतं, कारण तिचा मऊसूत टेक्सचर आणि मसाल्यांमध्ये शिजल्यावर येणारा सुगंध मन मोहवतो. नारळाचं दूध, कोथिंबीर, आणि कोकणच्या खास मसाल्यांसोबत तयार केलेली कोळंबी करी ही भाताबरोबर किंवा भाकरीसोबत खाल्ल्यावर अगदी स्वर्गीय चव देते. पारंपरिक कोकणी पद्धतीने बनवलेली ही करी केवळ स्वादिष्टच नाही तर प्रोटीन आणि ओमेगा-३ फॅटी ॲसिड्सने भरलेली असल्यामुळे आरोग्यासाठीही फायदेशीर आहे. चला तर मग जाणून घेऊया पारंपरिक आणि घरगुती स्टाइलमध्ये झणझणीत कोळंबी करी कशी तयार करायची ते जाणून घेऊया.

साहित्य:

• स्वच्छ धुतलेल्या कोळंब्या – २५० ग्रॅम
• कांदा – २ (बारीक चिरलेले)
• टोमॅटो – १ (चिरलेला)
• आले-लसूण पेस्ट – १ टेबलस्पून
• ओले खोबरे – ½ कप
• लाल तिखट – १ टीस्पून
• हळद – ¼ टीस्पून
• धने पावडर – १ टीस्पून
• गरम मसाला – ½ टीस्पून
• चिंचेचा कोळ – १ टेबलस्पून (ऐच्छिक)
• मीठ – चवीनुसार
• तेल – २ टेबलस्पून
• कोथिंबीर – सजावटीसाठी

तंदुरी चिकन खायचंय मग हॉटेलला कशाला जायचं? घरीच बनवा अन् सर्वांना करा खुश

कृती:

• यासाठी सर्वप्रथम कोळंबी नीट धुऊन तिची साल आणि आतला काळपट धागा काढून टाका. थोडं मीठ आणि हळद लावून १० मिनिटं मॅरिनेट करा.
• मिक्सरमध्ये ओलं खोबरे, कांद्याचा अर्धा भाग, थोडं लाल तिखट आणि थोडं पाणी घालून एकसारखा गुळगुळीत मसाला वाटून घ्या.
• कढईत तेल गरम करून उरलेला कांदा घालून सोनेरी होईपर्यंत परता. त्यात आले-लसूण पेस्ट घालून एक मिनिट परतून घ्या.
• टोमॅटो घालून मऊ होईपर्यंत शिजवा. नंतर त्यात हळद, लाल तिखट, धने पावडर आणि गरम मसाला घालून परता.
• आता वाटलेला खोबऱ्याचा मसाला कढईत टाका आणि दोन मिनिटं चांगला परता, जेणेकरून मसाल्याचा सुगंध येईल.
• मसाला चांगला तेल सोडू लागला की त्यात मॅरिनेट केलेली कोळंबी घालून हलक्या हाताने मिसळा. थोडं पाणी घालून ८-१० मिनिटं झाकून शिजवा.
• कोळंबी शिजल्यावर त्यात कोथिंबीर घाला आणि शेवटी थोडा चिंचेचा कोळ घातल्यास आंबटपणा येईल. गरम भात किंवा भाकरीसोबत सर्व्ह करा.
• नारळाचं दूध घातल्यास करी आणखी रिच आणि क्रीमी लागते.
• हवं असल्यास हिरवं तिखट आणि कोथिंबीर वाटून हिरवा मसालाही वापरू शकता.