पालकची भाजी खायला आवडत नाही? मग सोप्या पद्धतीमध्ये लहान मुलांच्या डब्यासाठी बनवा पालक चीज कॉर्न टोस्ट

लहान मुलांना पालक भाजी खायला आवडत नाही. अशावेळी तुम्ही मुलांच्या डब्यासाठी झटपट पालक चीज कॉर्न टोस्ट बनवू शकता. हा पदार्थ कमीत कमी साहित्यामध्ये तयार होतो.

सोप्या पद्धतीमध्ये लहान मुलांच्या डब्यासाठी बनवा पालक चीज कॉर्न टोस्ट

Follow Us

Follow Us:

उन्हाळी सुट्टी संपून लहान मुलांच्या शाळा सुरु झाल्या आहेत. त्यामुळे सर्वच पालकांना मुलांच्या डब्यात खाण्यासाठी नेमकं काय द्यावं? असे अनेक प्रश्न पडत असतील. लहान मुलं पालेभाज्या खाण्यास नकार देतात. मुलांच्या समोर पालेभाज्यांचे नाव काढले तर मुलं नका मुरडतात. पण रोजच्या आहारात कायम निरोगी राहण्यासाठी पालेभाज्यांचे सेवन करणे आवश्यक आहे. पालेभाज्यांच्या सेवनामुळे पोट स्वच्छ होण्यास मदत मिळते. याशिवाय यामध्ये असलेले घटकांमुळे आरोग्य सुधारण्यास मदत होते. म्हणूनच आज आम्ही तुम्हाला लहान मुलांच्या डब्यासाठी पालक चीज कॉर्न टोस्ट बनवण्याची सोपी रेसिपी सांगणार आहोत. घाईगडबडीमध्ये तुम्ही मुलांसाठी झटपट टोस्ट बनवू शकता. या निमित्ताने मुलांच्या पोटात पोषक घटक जातील. चला तर जाणून घेऊया पालक चीज कॉर्न टोस्ट बनवण्याची सोपी रेसिपी.(फोटो सौजन्य – istock)

नॉनव्हेज प्रेमींसाठी खास! पौष्टिक अन् स्वादिष्ट Kaleji Fry Recipe; विकेंडला एकदा नक्की बनवून पहा

साहित्य:

• पालक
• चीज
• मक्याचे दाणे
• कांदा
• लसूण
• ओरेगॅनो
• चिली फ्लेक्स
• काळीमिरी पावडर
• चीज
• दूध
• ब्रेड

सकाळच्या नाश्त्यात लहान मुलांसह मोठ्यांसाठी झटपट बनवा बन डोसा, नोट करून घ्या रेसिपी

कृती:

• पालक चीज कॉर्न टोस्ट बनवण्यासाठी सर्वप्रथम, पालकची भाजी स्वच्छ साफ करून तीन वेळा पाण्याने धुवून घ्या. त्यानंतर भाजी बारीक कापा.
• त्यानंतर पॅनमध्ये बटर गरम करून त्यात चिरलेला लसूण, कांदा, मक्याचे दाणे, ओरेगॅनो, चिली फ्लेक्स, काळीमिरी पूड व चवीनुसार मीठ घालून सर्व व्यवस्थित शिजवून घ्या.
• हे पदार्थ व्यवस्थित शिजल्यानंतर त्यात दूध आणि मैदा घालून मिक्स करा. पातळ पेस्ट तयार झाल्यावर त्यात बारीक चिरून घेतलेला पालक घालून व्यवस्थित शिजवा.
• सगळ्यात शेवटी त्यात केलेल्या मिश्रण चीज घालून शिजून घ्या. सगळ्यात शेवटी त्यात बारीक चिरून घेतलेली पालक टाकून मिक्स करा.
• एक वाफ आल्यानंतर गॅस बंद करून तयार केलेले मिश्रण काढून घ्या.
• तयार केलेले मिश्रण तुम्ही भाजलेल्या ब्रेडसोबत किंवा ब्रेडवर लावून सुद्धा खाऊ शकता. यामुळे पदार्थाची चव सुंदर लागेल.

Web Title: How to make spinach cheese corn toast at home simple food recipe cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Jun 13, 2025 | 08:00 AM

Topics:  

• food recipe

संबंधित बातम्या