नॉनव्हेज प्रेमींसाठी खास! पौष्टिक अन् स्वादिष्ट Kaleji Fry Recipe; विकेंडला एकदा नक्की बनवून पहा

नॉनव्हेज प्रेमींसाठी कलेची फ्राय हा त्यांच्या आवडीचा पदार्थ! कलेजी आणि मसाल्यांचा वापर करून या पदार्थाला तयार केले जाते. ही रेसिपी चवीसाठीच नाही तर आपल्या आरोग्यासाठीही फार फायद्याची ठरते. चला याची रेसिपी जाणून घेऊया.

(फोटो सौजन्य: Pinterest)

Follow Us:

Follow Us:

कलेजी म्हणजेच हा एक अत्यंत पौष्टिक आणि स्वादिष्ट खाद्यपदार्थ आहे. नॉन व्हेज लव्हर्सना याची चव फार आवते. आज आपण कलेजीपासून बनवली जाणारी झणझणीत, मसालेदार आणि अतिशय चविष्ट अशी रेसिपी जाणून घेणार आहोत. ही रेसिपी अतिशय सोपी असून थोड्याच वेळात तयार होते. भाकरी, पोळी किंवा पराठ्यासोबत ही डिश खूपच छान लागते.

पावसाळ्याच्या दिवसांमध्ये शरीराची Immunity Boost करण्यासाठी घरी बनवा मिक्स भाज्यांचे गरमागरम सूप

अनेकदा स्टार्टर्ससाठीही अनेकांना कलेजी फ्राय खायला फार आवडते. यंदाच्या विकेंडला तुम्ही ही रेसिपी ट्राय करू शकता. बकऱ्याची कलेजी आणि विविध मसाल्यांचा वापर करून हा पदार्थ तयार केला जातो, जो चवीला अप्रतिम लागतो. होटल्समध्येही हा पदार्थ आपल्या मेन्यूमध्ये आवर्जून लिस्ट केलेला असतो मात्र आज आपण याची एक सोपी आणि घरगुती रेसिपी जाणून घेणार आहोत. चला नोट करूयात यासाठी लागणारे साहित्य आणि कृती.

साहित्य

• बोकडाची कलेजी – २५० ग्रॅम
• कांदा – २ मध्यम, बारीक चिरलेला
• टोमॅटो – १ मध्यम, बारीक चिरलेला
• आले-लसूण पेस्ट – १ चमचा
• हळद – ½ टीस्पून
• लाल तिखट – १ टीस्पून (चवीनुसार)
• गरम मसाला – ½ टीस्पून
• धनेपूड – १ टीस्पून
  तेल – २ टेबलस्पून
• मीठ – चवीनुसार
• कोथिंबीर – सजावटीसाठी

जेवणाची चव द्विगुणित करेल सोपा पण चवदार आलू भर्ता; त्वरित रेसिपी नोट करा

कृती

• यासाठी सर्वप्रथम कलेजी स्वच्छ धुऊन छोटे तुकडे करून बाजूला ठेवा.
• एका कढईत तेल गरम करून त्यात कांदा टाका आणि सोनेरी रंग येईपर्यंत परतवा.
• आले-लसूण पेस्ट घालून १-२ मिनिटं परतवा.
• आता त्यात टोमॅटो, हळद, तिखट, धनेपूड आणि मीठ टाकून मसाला चांगला शिजवून घ्या.
• मसाला तेल सोडायला लागला की त्यात कलेजीचे तुकडे टाका आणि ५-७ मिनिटे मध्यम आचेवर शिजवा.
• आता गरम मसाला घालून अजून २-३ मिनिटं परतवा. कलेजी पूर्ण शिजली आहे का हे एकदा चेक करा.
• वरून कोथिंबीर घालून गरम गरम सर्व्ह करा.
• कलेजी जास्त वेळ शिजवू नका, नाहीतर ती कडक होते.
• हवं असल्यास लिंबाचा रस वरून पिळू शकता.
• कलेजी फ्राय ही एक झणझणीत, मसालेदार आणि पटकन तयार होणारी खास नॉनव्हेज डिश आहे. एकदा नक्की करून पाहा

Web Title: How to make kaleji fry tasty and healthy recipe in marathi perfect for your weekend

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com