पालकची भाजी खाऊन कंटाळा आला असेल तर १० मिनिटांमध्ये बनवा पालक कॉर्न चिला, नोट करा रेसिपी

पालकची भाजी अनेकांना खायला आवडत नाही. अशावेळी तुम्ही पालकपासून वेगवेगळे पदार्थ बनवू शकता. आज आम्ही तुम्हाला सोप्या पद्धतीमध्ये पालक कॉर्न चिला बनवू शकता. चला तर जाणून घेऊया सोपी रेसिपी.

थंडीच्या दिवसांमध्ये बाजारात पालेभाज्या मोठ्या प्रमाणावर उपलब्ध असतात. पालेभाज्यांचे सेवन केल्यामुळे आरोग्याला अनेक फायदे होतात. दैनंदिन आहारात पालेभाज्यांचे सेवन केल्यामुळे पचनक्रिया निरोगी राहते. कॅल्शियम, विटामिन, लोह, झिंक आणि इतर जीवनसत्वे वाढवण्यासाठी आहारात पालेभाज्यांचे सेवन करावे. मेथी, पालक, मुळा, चवळी इत्यादी अनेक पालेभाज्या बाजारात उपलब्ध असतात. त्यात मोठ्या प्रमाणावर खाल्ली जाणारी भाजी म्हणजे पालक. पालकची भाजी, पालक पराठा, पनीर पालक इत्यादी अनेक प्रकार पालकपासून बनवले जातात. मात्र नेहमी नेहमी हेच पदार्थ खाऊन कंटाळा आल्यानंतर काहींना काही नवीन खाण्याची इच्छा निर्माण होते. अशावेळी तुम्ही सोप्या पद्धतीमध्ये पालक कॉर्न चिला बनवू शकता. चला तर जाणून घेऊया पालक कॉर्न चिला बनवण्याची सोपी रेसिपी.(फोटो सौजन्य – iStock)

नवनवीन रेसिपीसाठी इथे क्लिक करा

साहित्य:

• पालक
• बेसन
• कांदा
• कॉर्न
• शिमला मिरची
• हिरवी हिरवी
• तेल
• मीठ
• आलं लसूण पेस्ट

नवनवीन रेसिपीसाठी इथे क्लिक करा

कृती:

• पालक कॉर्न चिला बनवण्यासाठी सर्वप्रथम, स्वच्छ साफ करून पाण्यात धुवून घेतलेला पालक बारीक चिरून घ्या.
• त्यानंतर मिक्सरच्या भांड्यात बारीक चिरून घेतलेला पालक आणि मक्याचे दाणे बारीक वाटून घ्या.
• मोठ्या बाऊलमध्ये बेसन, बारीक चिरलेला कांदा, शिमला मिरची, बारीक चिरलेली हिरवी मिरची आणि पालकची पेस्ट टाकून मिक्स करा.
• नंतर त्यात आवश्यकतेनुसार आलं लसूण पेस्ट, चवीनुसार मीठ आणि काळीमिरी पावडर टाकून गरजेनुसार पाणी टाकून मिक्स करून घ्या.
• चिला बनवण्यासाठी गॅस गरम करायला ठेवा. त्यानंतर त्यावर तेल पसरवून चिल्याचे मिश्रण टाकून दोन्ही बाजूने व्यवस्थित भाजून घ्या.
• तयार आहे सोप्या पद्धतीमध्ये बनवलेला पालक कॉर्न चिला रेसिपी.