सकाळच्या नाश्त्यासाठी सोप्या पद्धतीमध्ये बनवा तिरंगा सँडविच, प्रजासत्ताक दिन होईल आणखीन खास

सकाळच्या नाश्त्यासाठी नेहमी नेहमी काय बनवावं? हा प्रश्न सर्वच महिलांना पडतो. अशावेळी तुम्ही सोप्या पद्धतीमध्ये तिरंगा सँडविच बनवू शकता. सँडविच हा पदार्थ लहान मुलांपासून मोठ्यांपर्यंत सगळ्यांचं आवडतो. जाणून घ्या रेसिपी.

सकाळच्या नाश्त्यासाठी सोप्या पद्धतीमध्ये बनवा तिरंगा सँडविच

Follow Us:

Follow Us:

देशभरात सगळीकडे मोठ्या आनंद आणि उत्साहात २६ जानेवारीला प्रजासत्ताक दिन साजरा केला जाणार आहे. या दिवसाची आजपासून तयारी सुरु करण्यात आली आहे. शाळा, कॉलेज, सरकारी कार्यलय इत्यादी अनेक ठिकाणी धवजरोहणाच्या कार्यक्रमांचे आयोजन केले जाते. हा दिवस प्रत्येक भारतीय व्यक्तीसाठी खूप खास आहे. त्यामुळे हा दिवस आणखीन खास होण्यासाठी तुम्ही घरी सकाळच्या नाश्त्यात सोप्या पद्धतीमध्ये तिरंगा सँडविच बनवू शकता. हे सँडविच बनवण्यासाठी जास्त वेळ लागत नाही. सकाळच्या नाश्त्यात नेहमी नेहमी काय बनवावं? हा प्रश्न सर्वच महिलांना पडतो. अशावेळी बाजारातून विकत आणलेले किंवा पॅकिंग पदार्थ खाल्ले जातात. मात्र हे पदार्थ आरोग्यासाठी अतिशय घातक आहेत. तेलकट किंवा तिखट पदार्थांचे उपाशी पोटी सेवन केल्यामुळे आरोग्याला हानी पोहचण्याची शक्यता असते. त्यामुळे सोप्या पद्धतीमध्ये तुम्ही घरी तिरंगा सँडविच बनवू शकता. जाणून घ्या रेसिपी.(फोटो सौजन्य – iStock)

नवनवीन रेसिपीसाठी इथे क्लिक करा

साहित्य:

• ब्रेड
• काकडी
• टोमॅटो
• मेयोनेझ
• टोमॅटो सॉस
• हिरवी चटणी
• मीठ
• बटर

नवनवीन रेसिपीसाठी इथे क्लिक करा

कृती:

• तिरंगा सँडविच बनवण्यासाठी सर्वप्रथम, काकडी आणि टोमॅटो स्वच्छ धुवून काकडी किसून घ्या.
• किसलेल्या काकडीमध्ये तयार करून घेतलेली हिरवी चटणी आणि चवीनुसार मीठ टाकून मिक्स करा.
• वाटीमध्ये मेयोनेझ घेऊन त्यात थोडेसे मीठ टाकून मिक्स करून घ्या.
• ब्रेड स्लाइस घेऊन त्यावर बटर लावा. त्यानंतर किसून घेतलेल्या काकडीचे सारण व्यवस्थित लावून घ्या.
• दुसऱ्या ब्रेडवर मेयोनेझ लावून काकडीच्या वर ठेवा. त्यानंतर दुसऱ्या ब्रेड स्लाईसवर बटर लावून किसून घेतलेला गाजर ठेवून शेवटी सँडविचवर दुसरा ब्रेड स्लाइस ठेवा.
• तयार आहे सोप्या पद्धतीमध्ये बनवलेला तिरंगा सँडविच. तुम्ही बनवलेले हे सँडविच लहान मुलांना नक्कीच आवडेल.

Web Title: How to make tricolor sandwich at home simple sandwich recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com