Healthy Idli Recipe: १० मिनिटांमध्ये सकाळच्या नाश्त्यासाठी बनवा पालक इडली, हिरव्या चटणीसोबत लागेल चविष्ट

लहान मुलांना पालक खायला अजिबात आवडत नाही. म्हणूनच आज आम्ही तुम्हाला सोप्या पद्धतीमध्ये पालक इडली बनवण्याची सोपी रेसिपी सांगणार आहोत. हा पदार्थ लहान मुलांना खूप जास्त आवडेल.

दीर्घकाळ निरोगी राहण्यासाठी आहारात वेगवेगळ्या पालेभाज्या आणि फळभाज्यांचे सेवन करावे. पालेभाज्या खाल्यामुळे आरोग्य सुधारते. आठवड्यातून दोनदा किंवा तीनदा पालेभाज्यांचे सेवन केल्यास शरीराला आवश्यक पोषक घटक मिळतात. त्यातील अनेकांच्या आवडीची भाजी म्हणजे पालक. पालकपासून अनेक वेगवेगळे पदार्थ बनवले जातात. पालक पनीर, पालक भाजी, पालक भजी इत्यादी अनेक वेगवेगळे पदार्थ घरात बनवले जातात. पण आज आम्ही तुम्हाला सकाळच्या नाश्त्यासाठी पालक इडली बनवण्याची सोपी रेसिपी सांगणार आहोत. कायमच तुम्ही तांदूळ आणि उडीद डाळीच्या पिठापासून बनवलेली इडली खाल्ली असेल. बऱ्याचदा लहान मुलांना पालक खायला आवडत नाही. अशावेळी तुम्ही पालक इडली बनवून खाण्यास देऊ शकता. चला तर जाणून घेऊया पालक इडली बनवण्याची सोपी रेसिपी.(फोटो सौजन्य – istock)

भूक लागलीये पण जेवण बनवण्याचा कंटाळा आलाय? मग झटपट घरी बनवा हॉटेल स्टाईल ‘जिरा आलू’; काही मिनिटांतच तयार होईल रेसिपी

साहित्य:

• रवा
• पालक
• आलं
• हिरवी मिरची
• मीठ
• कांदा
• दही
• इनो

साऊथ इंडियन पद्धतीने घरी बनवा स्वादिष्ट टेस्टी मूगडाळ पायसम, नैसर्गिक गोडवा वाढवणारा पौष्टिक पदार्थ

कृती:

• पालक इडली बनवण्यासाठी सर्वप्रथम, पालक स्वच्छ धुवून मिक्सरमधून टाकून बारीक पेस्ट तयार करून घ्या.
• मोठ्या भांड्यात रवा आणि दही घेऊन मिक्स करून घ्या. १५ ते २० मिनिटं पीठ व्यवस्थित झाकून ठेवा.
• त्यानंतर त्यात पालक पेस्ट टाकून मिक्स करा. तयार केलेल्या मिश्रणात बारीक चिरलेला कांदा, हिरवी मिरची आणि किसलेले आलं घालून मिक्स करा.
• याशिवाय तुम्ही यात गाजर आणि वेगवेगळ्या भाज्या मिक्स करा. तयार केलेल्या पिठात मीठ मिक्स करा. इडलीचे पीठ तयार झाल्यानंतर त्यात इनो मिक्स करून घ्या.
• इडली पात्राला तेल लावून त्यात तयार केलेले इडलीचे मिश्रण टाकून १५ ते २० मिनिटं इडली वाफवण्यासाठी ठेवा. तयारआहे सोप्या पद्धतीमध्ये बनवलेली पालक इडली.
• पालक इडली तुम्ही खोबऱ्याच्या चटणीसोबत किंवा सांबार सोबत सुद्धा खाऊ शकता.