दिवसाची सुरुवात करा हेल्दी पदार्थाने, नाश्त्यात बनवा पालक थालीपीठ

सकाळच्या नाश्त्यात सगळ्यांचं रोज काहींना काही नवीन पदार्थ खायला आवडतो. अशावेळी तुम्ही पालकपासून थालीपीठ बनवू शकता. हे थालीपीठ कमीत कमी साहित्यामध्ये अनेक झटपट तयार होते. लहान मुलं पालेभाज्या खायला कंटाळा करतात. अशावेळी तुम्ही मुलांना पालेभाज्यांचा वापर करून काहींना काही नवीन पदार्थ बनवून खाण्यास देऊ शकता.

सकाळच्या नाश्त्यात अनेक घरांमध्ये पोहे, उपमा, शिरा, इडली इत्यादी पदार्थ बनवले पदार्थ जातात. पण सतत तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही पालकपासून थालीपीठ बनवू शकता. लहान मुलांना पालक खायला आवडत नाही. पण पालकमध्ये अनेक पौष्टिक घटक आढळून येतात. पालक खाल्यामुळे शरीरातील कॅल्शियम वाढण्यास मदत होते. पालक खाल्यामुळे रक्तातील साखरेचे प्रमाण नियंत्रणात राहण्यास मदत होते. वाढलेले वजन कमी करण्यासाठी आहारात तुम्ही पालकचे सेवन करू शकता.चला तर जाणून घेऊया पालक थालीपीठ बनवण्याची सोपी रेसिपी.

साहित्य:

• ज्वारीचे पीठ
• गव्हाचे पीठ
• बेसन
• मुगाच्या डाळीचे पीठ
• बारीक वाटून घेतलेली मटकी
• कांदा
• हिरव्या मिरच्या
• आलं लसूण पेस्ट
• मीठ
• पालक
• कोथिंबीर
• लाल तिखट
• ओवा
• तीळ

हे देखील वाचा: गूळ की मध? वजन कमी करण्यासाठी काय आहे बेस्ट? जाणून घ्या

कृती:

• पालक थालीपीठ बनवण्यासाठी सर्वप्रथम पालक स्वच्छ करून बारीक चिरून घ्या.
• ताटात गव्हाचे पीठ, मुगाच्या डाळीचे पीठ, ज्वारीचे पीठ, बारीक वाटून घेतलेली मटकी, बेसन पीठ टाकून मिक्स करून घ्या.
• त्यानंतर पिठामध्ये पालक, लाल तिखट, हळद, मीठ आणि आलं लसूण पेस्ट टाकून मिक्स करून घ्या.
• नंतर त्यात पांढरे तीळ आणि ओवा टाकून कोथिंबीर, पालक टाकून मिक्स करा. नंतर आवश्यकतेनुसार पाणी टाकून पीठ मळून घ्या.
• तवा गरम करण्यासाठी ठेवा. पिठाचे छोटे छोटे गोळे करून थालीपीठ बनवून घ्या.
• त्यानंतर तव्यावर टाकून दोन्ही बाजूने व्यवस्थित खरपूस भाजून घ्या.
• तयार आहे हेल्दी टेस्टी नाश्त्यात पालक थालीपीठ.