१० मिनिटांमध्ये नाश्त्यासाठी बनवा हेल्दी टेस्टी स्ट्रॉबेरी बनाना स्मूदी, पोट राहील दीर्घकाळ भरलेले

स्मूदी हा पदार्थ सगळ्यांचं खूप आवडतो. स्मूदी प्यायल्यामुळे दीर्घकाळ पोट भरलेले राहते आणि आरोग्याला सुद्धा अनेक फायदे होतात. आज आम्ही तुम्हाला स्ट्रॉबेरी बनाना स्मूदी बनवण्याची सोपी रेसिपी सांगणार आहोत.

सकाळच्या नाश्त्यात सगळ्यांचं हेल्दी टेस्टी पदार्थ खाण्याची इच्छा होते. मात्र नेहमी तेलकट किंवा तिखट पदार्थ खाऊन कंटाळा आल्यानंतर स्मूदी किंवा शेक पिण्याची इच्छा होते. अशावेळी तुम्ही सोप्या पद्धतीमध्ये केली बनाना स्मूदी बनवू शकता. थंडीच्या दिवसांमध्ये बाजारात स्ट्रॉबेरी, केळी इत्यादी अनेक हंगामी फळे उपलब्ध असतात. या फळांचे सेवन करणे आरोग्याच्या दृष्टीने अतिशय फायदेशीर आहे. दैनंदिन आहारात ताज्या फळांचे सेवन केल्यामुळे शरीराला अनेक फायदे होतात. याशिवाय त्वचा आणि केसांचे आरोग्य सुधारते. स्ट्रॉबेरी खाल्यामुळे त्वचेला अनेक फायदे होतात. तर केळ्याचे सेवन केल्यामुळे पचनक्रिया सुधारते. त्यामुळे दैनंदिन आहारात नियमित २ केळी खावीत. चला तर जाणून घेऊया स्ट्रॉबेरी बनाना स्मूदी बनवण्याची सोपी रेसिपी.(फोटो सौजन्य – iStock)

दिवसाची सुरुवात होईल पौष्टिक पदार्थाने! सकाळच्या नाश्त्यात सोप्या पद्धतीमध्ये बनवा शेवयांचा उपमा

साहित्य:

• स्ट्रॉबेरी
• केळी
• दूध
• चिया सीड्स
• साखर आवडीनुसार
• स्ट्रॉबेरी सिरप

सकाळच्या नाश्त्यासाठी सोप्या पद्धतीमध्ये बनवा चविष्ट स्ट्रॉबेरी शेक, वाचा सिंपल रेसिपी

कृती:

• स्ट्रॉबेरी बनाना स्मूदी बनवण्यासाठी सर्वप्रथम, स्ट्रॉबेरी पाण्याने स्वच्छ धुवून घ्या. त्यानंतर केळी आणि स्ट्रॉबेरीचे तुकडे करा.
• मिक्सरच्या भांड्यात तुकडे करून घेतलेली स्ट्रॉबेरी, केळी आणि दूध घालून वाटून घ्या.
• त्यानंतर त्यात आवडीनुसार साखर, स्ट्रॉबेरी सिरप आणि इतर कोणतीही फळे टाकून बारीक करून घ्या.
• तयार करून घेतलेली स्मूदी काचेच्या ग्लासात काढून वरून सजावटीसाठी बारीक तुकडे करून घेतलेली फळे टाकून सर्व्ह करा.
• तयार आहे सोप्या पद्धतीमध्ये बनवलेली स्ट्रॉबेरी बनाना स्मूदी.