लहान मुलांसाठी स्ट्रॉबेरीपासून कमीत साहित्यामध्ये बनवा पौष्टिक स्ट्रॉबेरी शेक, वाचा रेसिपी

अनेकदा लहान मुलांना सकाळच्या नाश्त्यात काय द्यावं? हा प्रश्न सर्वच पालकांना पडतो. अशावेळी तुम्ही मुलांना स्ट्रॉबेरी शेक बनवून देऊ शकता. यामुळे मुलांचे पोटही भरेल आणि आरोग्यालासुद्धा अनेक फायदे होतील. जाणून घ्या रेसिपी.

आंबट गोड चवीची स्ट्रॉबेरी सध्या बाजारात मोठ्या प्रमाणावर उपलब्ध झाली आहे., स्ट्रॉबेरी खाल्यामुळे आरोग्याला अनेक फायदे होतात. स्ट्रॉबेरी खाल्यामुळे त्वचेची गुणवत्ता सुधारण्यास मदत होते. स्ट्रॉबेरीपासून अनेक वेगवेगळे पदार्थ बनवले जातात. यामध्ये असलेले विटामिन सी आणि इतर पोषक घटक आरोग्य आणि त्वचेसाठी महत्वाचे आहेत. सकाळच्या नाश्त्यात लहान मुलांना दररोज नवनवीन पदार्थ खाण्यास हवे असतात. अशावेळी मुलांना नेमकं काय द्यावं? असा प्रश्न पालकांना पडतो. मुलांना सतत बाहेरचे पदार्थ खायला देण्याऐवजी तुम्ही घरी बनवलेले पोषक पदार्थ खाण्यास देऊ शकता. आज आम्ही तुम्हाला सोप्या पद्धतीमध्ये स्ट्रॉबेरी शेक बनवण्याची सोपी रेसिपी सांगणार आहोत. स्ट्रॉबेरी शेक प्यायल्यामुळे लवकर भूक लागणार नाही. शिवाय तुम्ही बनवलेला पदार्थ पाहून मुलंसुद्धा खुश होतील. चला तर जाणून घेऊया स्ट्रॉबेरी शेक बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• दूध
• स्ट्रॉबेरी
• भिजवलेले काजू बदाम
• ग्राउंड फ्लेक्स
• स्ट्रॉबेरी फ्लेवर्ड प्रोटीन पावडर
• केळी

नवनवीन रेसिपीसाठी इथे क्लिक करा

कृती:

• स्ट्रॉबेरी शेक बनवण्यासाठी सर्वप्रथम, स्ट्रॉबेरी स्वच्छ धुवून घ्या. त्यानंतर त्यांचे दोन किंवा तीन तुकडे करा.
• मिक्सरच्या भांड्यात बारीक कापून घेतलेली स्ट्रॉबेरी, दूध, भिजवलेले काजू बदाम टाकून शेक बनवून घ्या.
• त्यानंतर त्यात केळ्याचे तुकडे, स्ट्रॉबेरी फ्लेवर्ड प्रोटीन पावडर, ग्राउंड फ्लेक्स टाकून पुन्हा एकदा शेक मिक्सरमधून फिरवून घ्या.
• तयार केलेला शेक ग्लासात काढून वरून स्ट्रॉबेरी आणि ड्रायफ्रूटने सजवा.
• तयार आहे सोप्या पद्धतीमध्ये बनवलेला पौष्टिक स्ट्रॉबेरी शेक.