Sweet Potato Recipe: संकष्टी चतुर्थीला सोप्या पद्धतीमध्ये बनवा चविष्ट रताळ्याचा किस, नोट करून घ्या झटपट तयार होणारी रेसिपी

उपवासाच्या दिवशी कायमच साबुदाणे किंवा भगर खाल्ली जाते. पण आज आम्ही तुम्हाला सोप्या पद्धतीमध्ये रताळ्याचा किस बनवण्याची सोपी रेसिपी सांगणार आहोत. हा पदार्थ अतिशय कमी वेळात तयार होईल.

गणपती बाप्पावर सगळ्यांची श्रद्धा आहे. संकष्टी चतुर्थीला अनेक लोक उपवास करतात. उपवास करून बाप्पाची मनोभावे पूजा केली जाते. उपवासाच्या दिवशी घरात साबुदाणे, भगर, बटाटा इत्यादी ठराविक उपवासाच्या पदार्थांचे सेवन केले जाते. पण कायमच तेच तेच ठराविक पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. म्हणूनच आज आम्ही तुम्हाला रताळ्याचा किस बनवण्याची सोपी सांगणार आहोत. उपवासाच्या दिवशी आहारात रताळ्याचे सेवन करावे. कारण रताळ हे कंदमूळ आहे. यामध्ये असलेल्या पौष्टिक घटकांमुळे शरीराची पचनक्रिया अजिबात बिघडत नाही. रताळ्यांमध्ये फायबर्स, विटामिन ए, विटामिन सी आणि बी-6, पोटॅशियम, मॅग्ननिज इत्यादी अनेक घटलं आढळून येतात. यामध्ये असलेल्या एंटीऑक्सिडेंट्समुळे आरोग्यासह शरीराला अनेक फायदे होतात. थंडीच्या दिवसांमध्ये बाजारात रताळी मोठ्या प्रमाणावर उपलब्ध असतात. चला तर जाणून घेऊया रताळ्याचा किस बनवण्याची सोपी रेसिपी. उपवासाच्या दिवशी कोणतेही तेलकट किंवा पचनास जड असलेल्या पदार्थांचे सेवन केल्यास शरीराची पचनक्रिया बिघडते. त्यामुळे उपवासाच्या दिवशी कायमच हलक्या आणि सहज पचन होणाऱ्या पदार्थांचे सेवन करावे.(फोटो सौजन्य – istock)

शिल्लक राहिलेल्या चपातीसपासून सोप्या पद्धतीमध्ये घरी बनवा चविष्ट लाडू, बालपणाची होईल आठवण

साहित्य:

• रताळी
• शेंगदाण्याचा कूट
• हिरवी मिरची
• तूप
• मीठ
• साखर

शाळेच्या डब्यासाठी नेहमीच काय बनवावं सुचत नसेल तर सोप्या पद्धतीमध्ये बनवा कुरकुरीत चविष्ट कांदा- कोथिंबीर पराठा

कृती:

• रताळ्याचा किस बनवण्यासाठी सर्वप्रथम, रताळी स्वच्छ धुवून घ्या. त्यानंतर रताळ्यांची साल काढून रताळी बारीक किसा.
• कढईमध्ये तूप गरम त्यात जिरं, हिरवी मिरची घालून भाजा. त्यानंतर त्यात रताळ्याचा किस घालून व्यवस्थित मिक्स करा.
• मंद आचेवर रताळी शिजवून घ्या. फास्ट गॅसवर रताळी शिजवल्यास कढईला चिटकण्याची शक्यता असते.
• त्यानंतर त्यात शेंगदाण्याचा कूट, चवीनुसार मीठ आणि थोडीशी साखर घालून व्यवस्थित मिक्स करा.
• तयार आहे सोप्या पद्धतीमध्ये बनवलेला रताळ्याचा किस. हा पदार्थ घरातील लहान मुलांपासून अगदी मोठ्यांपर्यंत सगळ्यांचं आवडेल.