हॉटेलसारखी परफेक्ट दही-पुदिन्याची चटणी कशी तयार करायची? नोट करा रेसिपी

Yoghurt Pudine Chutney Recipe : हॉटेलसारखी दही-पुदिन्याची चटणी अनेकदा घरी बनवली जाते पण तिला परफेक्ट चव येत नाही. परफेक्ट दही-पुदिन्याची चटणी जेवणाची चव दुप्पट करते. बनवण्याची योग्य पद्धत जाणून घ्या.

• जेवणाची चव वाढवण्याची चटणीची फार मदत होते.
• भारतीय चटण्यांमध्ये दही-पुदिन्याची चटणी फार लोकप्रिय.
• ही चटणी सँडविच, भजी, रोल अशा अनेक पदार्थांसोबत खाल्ली जाऊ शकते.

भारतीय जेवणात चटणीला खूप महत्त्व असतं. साध्या जेवणालाही चटणीमुळे खास चव येते. त्यातही दही पुदिन्याची चटणी ही अशी एक चटणी आहे जी चवीला ताजीतवानी, थंडावा देणारी आणि पचनासाठी फायदेशीर मानली जाते. पुदिन्याचा सुगंध, हिरव्या मिरचीची हलकी झणझण आणि दह्याची आंबट-गोड चव यांचा सुंदर मिलाफ या चटणीत पाहायला मिळतो.

हाडे मजबूत करून… कर्करोगाचा धोकाही कमी करते पालक; भाजी नाही यंदा बनवा गरमा गरम ‘पालक डाळ’

उन्हाळ्यात ही चटणी शरीराला थंडावा देते, तर हिवाळ्यातही ती जेवणाची चव वाढवते. समोसा, कचोरी, पकोडे, टिक्की, कबाब, सॅंडविच किंवा अगदी साध्या भाजी-चपातीसोबतही दही पुदिन्याची चटणी अप्रतिम लागते. ही चटणी बनवायला खूप सोपी असून कमी वेळात तयार होते. घरच्या घरी स्वच्छ आणि ताज्या साहित्यापासून बनवलेली दही पुदिन्याची चटणी बाजारातील चटणीपेक्षा जास्त चविष्ट आणि आरोग्यदायी असते. चला तर मग पाहूया, ही स्वादिष्ट दही पुदिन्याची चटणी कशी बनवायची.

साहित्य

• घट्ट दही – 1 वाटी
• ताजे पुदिन्याची पाने – 1 वाटी
• कोथिंबीर – अर्धी वाटी
• हिरवी मिरची – 1 ते 2 (चवीनुसार)
• आले – अर्धा इंच तुकडा
• जिरेपूड – अर्धा चमचा
• चाट मसाला – अर्धा चमचा
• मीठ – चवीनुसार
• लिंबाचा रस – 1 चमचा

हिवाळ्यात गोड पदार्थ खाण्याची इच्छा झाल्यास १० मिनिटांमध्ये बनवा चविष्ट बीटरूट हलवा, लहान मुलांसह मोठेसुद्धा आवडीने खातील

कृती

• सर्वप्रथम पुदिन्याची पाने आणि कोथिंबीर स्वच्छ धुऊन घ्या.
• मिक्सरच्या भांड्यात पुदिना, कोथिंबीर, हिरवी मिरची आणि आले घालून बारीक वाटून घ्या.
• हे मिश्रण एका बाऊलमध्ये काढा आणि त्यात घट्ट दही घाला.
• आता मीठ, जिरेपूड आणि चाट मसाला घालून चांगले मिसळा.
• शेवटी लिंबाचा रस घालून पुन्हा एकदा नीट ढवळा.
• चटणी जास्त घट्ट वाटत असल्यास थोडं पाणी घालू शकता.
• चटणी फ्रिजमध्ये अर्धा तास ठेवल्यास तिची चव आणखी खुलते.
• दही नेहमी घट्ट आणि ताजं वापरा.
• जास्त हिरवी मिरची घातल्यास चटणी खूप तिखट होऊ शकते.
• ही चटणी 1–2 दिवस फ्रिजमध्ये ठेवता येते.