साबुदाणे खाऊन कंटाळा आला आहे? मग सोप्या पद्धतीमध्ये बनवा उपवास भाजणीचे थालीपीठ, नोट करून घ्या पदार्थ

उपवासाच्या दिवशी सर्वच घरांमध्ये साबुदाणा खिचडी बनवली जाते. मात्र नेहमीच खिचडी खाऊन कंटाळा आल्यानंतर तुम्ही सोप्या पद्धतीमध्ये भाजणीचे थालीपीठ बनवू शकता. जाणून घ्या रेसिपी.

श्रावण महिन्यात महिलांसह पुरुष सुद्धा उपवास करतात. उपवासाच्या दिवशी घरात साबुदाणा खिचडी किंवा साबुदाणा वडा बनवला जातो. पण उपाशी पोटी साबुदाणा खाल्यामुळे आरोग्याला हानी पोहचण्याची जास्त शक्यता असते. उपवास केल्यानंतर संपूर्ण दिवस काहीच खाल्ले जात नाही. साबुदाणा खाल्यामुळे ऍसिडिटी किंवा अपचनाची समस्या वाढू लागते. त्यामुळे उपाशी पोटी साबुदाणे अजिबात खाऊ नये. म्हणूनच आज आम्ही तुम्हाला उपवास भाजणीचं वापर करून खमंग थालीपीठ बनवण्याची सोपी रेसिपी सांगणार आहोत. थालीपीठ बनवण्यासाठी वेगवेगळ्या डाळींच्या पिठाचा वापर केला जातो. मात्र उपवासाची भाजणी तयार करताना राजगिरा, वरी इत्यादी पदार्थांचा वापर केला जातो. चला तर जाणून घेऊया उपवास भाजणीचे थालीपीठ बनवण्याची सोपी रेसिपी.(फोटो सौजन्य – pintrest)

रविवार होईल आणखीनच मजेदार! सकाळच्या नाश्त्यासाठी झटपट बनवा पनीर कॉर्न सँडविच, नोट करून घ्या रेसिपी

साहित्य:

• राजगिऱ्याची पीठ
• साबुदाणा पीठ
• जिरं
• बटाटा
• शेंगदाण्याचा कूट
• हिरवी मिरची
• तूप
• साखर
• भगर

Raksha Bandhan 2025 : सणानिमित्त घरी बनवा राजस्थानची फेमस मिठाई ‘घेवर’, फार सोपी आहे रेसिपी

कृती:

• उपवास भाजणीचे थालीपीठ बनवण्यासाठी सर्वप्रथम, कढई गरम करून त्यात साबुदाणा आणि भगर भाजून घ्या आणि थंड झाल्यानंतर मिक्समधून बारीक पावडर तयार करा.
• मोठ्या ताटात राजगिऱ्याची पीठ, साबुदाणा, भगरचे पीठ एकत्र मिक्स करून घ्या. त्यानंतर त्यात चवीनुसार मीठ टाकून मिक्स करा.
• पिठामध्ये मॅश केलेला बटाटा, हिरवी मिरची आणि शेंगदाण्याचा कूट, चवीनुसार साखर टाकून मिक्स करा. तयार केलेल्या पिठात आवश्यकतेनुसार पाणी घालून पीठ मळून घ्या.
• कॉटनचा कपडा ओला करून त्यावर थालीपीठ बनवा. गरम तव्यावर टाकून दोन्ही बाजूने भाजून घ्या. थालीपीठ भाजताना बाजूने तूप टाकून भाजा.
• तयार आहे सोप्या पद्धतीमध्ये बनवलेले भाजणीचे थालीपीठ.