महागडी मल्टिव्हिटामिन पावडर विकत आणण्यापेक्षा १०० रुपयांमध्ये घरीच बनवा हेल्दी Multivitamin Powder,महिनाभर राहील टिकून

कायमच बाजारातील विकतची मल्टिव्हिटामिन पावडर आणण्यापेक्षा घरच्या घरी तुम्ही सोप्या पद्धतीमध्ये मल्टिव्हिटामिन पावडर बनवू शकता. या पावडरचे नियमित सेवन केल्यास शरीरातील थकवा कमी होईल.

हल्ली लहान मुलांपासून ते मोठ्यांपर्यंत सगळ्यांचं अशक्तपणा, थकवा आणि आरोग्यासंबंधित इतर अनेक समस्या उद्भवू लागतात. शरीरात निर्माण झालेल्या पोषणाच्या अभावामुळे संपूर्ण आरोग्य बिघडून जाते. शरीरात निर्माण झालेला थकवा, अशक्तपणा कमी करण्यासाठी वेगवेगळ्या गोळ्या औषधांचे सेवन केले जाते. कामाचा ताण, चुकीची जीवनशैली, झोपेची कमतरता, सतत जंक फूडचे सेवन, दारू सिगारेट इत्यादी अनेक गोष्टींचा परिणाम आरोग्यावर लगेच दिसून येतो. थकवा कमी करण्यासाठी अनेक लोक बाजारात उपलब्ध असलेले महागडी मल्टीविटामिन औषधे, प्रोटीन पावडर किंवा सप्लिमेंट्स इत्यादी अनेक गोष्टींचे सेवन केले जाते. पण या गोळ्या औषधांमध्ये केमिकल्स, प्रेझर्व्हेटिव्ह्ज मोठ्या प्रमाणावर आढळून येतात. वजन वाढवण्यासाठी खाल्लेल्या सप्लिमेंट्स आणि पावडरचा परिणाम कालांतराने शरीरावर दिसून येतो. डोकेदुखी, ऍसिडिटी, त्वचेच्या समस्या इत्यादी गंभीर लक्षणे शरीरात दिसू लागतात. म्हणूनच आज आम्ही तुम्हाला महागड्या मल्टिव्हिटामिन पावडर बनवण्याची सोपी रेसिपी सांगणार आहोत. ही पावडर महिनाभर व्यवस्थित टिकून राहते आणि शरीराला सुद्धा भरमसाट फायदे होतात. (फोटो सौजन्य – istock)

Recipe : चिकन-मटणालाही मागे टाकेल ही गावराण रसरशीत भाजी; थंडीच्या दिवसांत गरमा गरम बनवून खा

साहित्य:

• अळशीच्या बिया
• भोपळ्याच्या बिया
• सूर्यफूल बिया
• तीळ
• चिया सीड्स

दत्तजयंती 2025: दत्तजयंतीनिमित्त पारंपरिक पद्धतीने नैवेद्यासाठी घरी बनवा सुंठवडा, नोट करून घ्या आयुर्वेदिक रेसिपी

कृती:

• मल्टिव्हिटामिन पावडर बनवण्यासाठी सर्वप्रथम, कढई गरम करून त्यात सर्व बिया मंद आचेवर लाल होईपर्यंत भाजा.
• भाजून घेतलेल्या सर्व बिया थंड होण्यासाठी ठेवा. बिया पूर्णपणे थंड झाल्यानंतर मिक्सरच्या भांड्यात ओतून बारीक पावडर तयार करा.
• तयार केलेली पावडर काचेच्या बरणीमध्ये भरून ठेवा. यामुळे मल्टिव्हिटामिन पावडर जास्त वेळ व्यवस्थित टिकून राहील.
• सकाळच्या नाश्त्यात एक चमचा तयार केलेली पावडर मिक्स करून प्यावी. ही पावडर तुम्ही स्मूदी, मिल्कशेक, सूप, दलिया, खिचडी किंवा चपातीच्या पिठामध्ये सुद्धा मिक्स करून खाऊ शकता.
• दैनंदिन आहारात बियांचे सेवन केल्यामुळे शरीराला भरमसाट फायदे होतात. या बियांमध्ये ओमेगा-३, लिग्नान्स आणि फायबर, विटामिन ई आणि सेलेनियम, ओमेगा-३, अँटिऑक्सिडंट्स आणि कॅल्शियम मोठ्या प्रमाणावर आढळून येते.
• बियांच्या सेवनामुळे त्वचेची खराब झालेली गुणवत्ता सुधारते. त्वचा कायमच चमकदार आणि सुंदर राहते.
• वजन कमी झाल्यानंतर ते पुन्हा वाढवण्यासाठी वेगवेगळ्या बियांचा वापर करून बनवलेली पावडर दुधात मिक्स करून प्यावी.
• याशिवाय पावडरचे सेवन केल्यामुळे शरीराला तात्काळ ऊर्जा मिळते आणि थकवा कमी होतो.