पार्लरमध्ये जाऊन महागड्या हेअर केअर ट्रीटमेंट करण्यापेक्षा घरी १० रुपयांमध्ये करा हेअर स्पा, केस होतील चमकदार आणि मऊ

केसांची खराब झालेली गुणवत्ता सुधारण्यासाठी महिला हेअर स्पा केला जातो. हेअर स्पा करण्यासाठी अधिकचे पैसे महिला आणि मुलींना मोजावे लागतात. त्यामुळे आज आम्ही तुम्हाला १० रुपयांमध्ये सोप्या हेअर स्पा करण्याची सोपी पद्धत सांगणार आहोत. या पदार्थांचा वापर करून हेअर स्पा केल्यामुळे केस मऊ आणि चमकदार होतात. कमीत कमी खर्चात सोप्या पद्धतीमध्ये तुम्ही हेअर स्पा करू शकता.

हेअर स्पा बनवण्यासाठी सोपी पद्धत:

• पाणी
• तांदळाचे पीठ
• अंडी
• नारळाचे तेल
• दही

कृती:

• हेअर स्पा करण्यासाठी सर्वप्रथम, टोपात पाणी गरम करून त्यात तांदळाचे पाणी टाकून शिजवून घ्या.
• जाडसर पेस्ट तयार केल्यानंतर त्यात अंड, नारळाचे तेल आणि चमचाभर दही घालून मिक्स करून घ्या.
• तयार केलेली पेस्ट संपूर्ण केसांवर लावून काहीवेळ केसांना मसाज करा. त्यानंतर ३० मिनिटं हेअर स्पा केसांवर तसाच ठेवा.
• त्यानंतर पाण्याने केस स्वच्छ धुवून घ्या. केस स्वच्छ धुतल्यानंतर केस स्वच्छ पुसून घ्या.

तांदळाच्या पिठाचे केसांना होणारे फायदे:

तांदळाचे पीठ जेवणातील पदार्थ बनवण्यासाठी केला जातो. त्या पिठामध्ये असलेले गुणधर्म प्रोटीन आणि विटामिन बी असल्यामुळे केसांची वाढ चांगली होते. तांदळाच्या पिठामुळे केस मजबूत होतात. अंड्यामध्ये असलेले कॅल्शियम आणि प्रोटीन केसांच्या वाढीसाठी आणि केसांना प्रोटीन देण्यासाठी मदत करतात. केसांना हायड्रेशन देण्यासाठी अंड अतिशय फायदेशीर आहे. चमकदार आणि मजबूत केसांसाठी हेअर स्पा करणे आवश्यक आहे. महिन्यातून एकदा हेअर स्पा केल्यामुळे केसांना पोषण मिळते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या