Health Care : तुम्हाला सतत अ‍ॅसिडीटी होतेय का ? मग लाईफस्टाईलमधल्या ‘या’ छोट्या चुका आजच टाळा

सध्याच्या धावपळीत जगात अनेकांना अ‍ॅसिडीटीचा त्रास सतत होत असतो. याचं सर्वात मोठं कारण म्हणजे चुकीची लाईफस्टाईल. कसं ते जाणून घ्या आणि आजच या चुका टाळा.

• तुम्हाला सतत अ‍ॅसिडीटी होतेय का ?
• रोजच्या आयुष्यातील छोट्या चुका ठरु शकतात आजाराला आमंत्रण
• कशी ठेवावी निरोगी लाईफस्टाईल ?

सध्याच्या धावपळीत जगात अनेकांना अ‍ॅसिडीटीचा त्रास सतत होत असतो. याचं सर्वात मोठं कारण म्हणजे चुकीची लाईफस्टाईल. करियर, अभ्यास, स्पर्धा आणि ऑफिस कल्चर यामुळे धकाधकीच्या जीवनात लोकांकडे स्वतःसाठी वेळ नसतो. जेवणाची वेळ निश्चित नसते. त्यामुळे झोप अपुरी मिळते, ताणतणाव वाढलेला असतो, या सगळ्याचा परिणाम थेट आपल्या पचनसंस्थेवर होतो. खरंतर रोजच्या लाईफस्टाईलमध्ये होणाऱ्या चुका आपल्य़ाला साध्या आणु शुल्लक वाटतात पण त्याच आजाराचं कारण ठरतात.

आपलं निरोगी आरोग्य हे फक्त चांगल्या आहारवरच नाही तर जेवणाच्या, नाश्ताच्या एवढंच नाही तर झोपण्य़ा उठण्याच्य़ा वेळांवर देखील अवलंबून आहे. अनियमित अवेळी जेवणं, उपाशी राहणं किंवा रात्री उशिरा मासालेदार चमचमीत खाणं यामुळे पोटात आम्ल (अ‍ॅसिड) जास्त प्रमाणात तयार होते. हे आम्ल अन्ननलिकेत गेलं की छातीत जळजळ, ढेकर, उलट्या, पोटदुखी अशी लक्षणं दिसतात. तसेच तिखट, तेलकट, मसालेदार पदार्थ, जास्त कॉफी किंवा चहा, सॉफ्ट ड्रिंक्स यांचा वापरही अ‍ॅसिडीटी वाढवतो. धूम्रपान आणि मद्यपान हे आणखी घातक कारण ठरतात.

Dengue झाल्यानंतर किती दिवस ताप राहिल्यास होतो मृत्यू? जीव वाचवण्यासाठी ‘या’ पद्धतीने घ्या शरीराची काळजी, राहाल कायम हेल्दी

ऑफिस कल्चरमधील बसून होत असलेल्या कामामुळे  शारीरिक हालचाल कमी होते त्यामुळे शरीराची  पचनशक्ती मंदावते. सतत बसून काम करणं, व्यायामाचा अभाव, तसेच दिवसभर संगणकासमोर बसून राहणे या सवयींमुळे शरीरातील चयापचय प्रक्रिया मंदावते आणि अ‍ॅसिडीटी वाढते. मानसिक ताणही एक मोठा घटक आहे. ताणतणाव वाढला की मेंदूतील हार्मोन्स आम्ल हा घटक वाढवतात आणि त्यामुळे पोटात जळजळ होते.

काय करणं टाळावं ?

• तिखट, आंबट आणि जड पदार्थ टाळा.
• भरपूर पाणी प्या, जेवल्यानंतर लगेच झोपू नका.
• कॉफी, चहा, सॉफ्ट ड्रिंक्सचा जास्त वापर – पोटातील आम्ल वाढवतात. त्यामुळे कॅफेनयुक्त पदार्थाचं जास्त सेवन टाळावं.
• तणाव (Stress) – मानसिक ताणामुळे पोटातील आम्ल वाढतं.
• धूम्रपान आणि मद्यपान – अ‍ॅसिडिटी जास्त वाढण्यास कारणीभूत ठरतात.
• जास्त वेळ उपाशी राहणं – आम्ल वाढून पोटात जळजळ होते. जास्त वेळ उपाशी राहिल्याने पोटात अग्नी तयार होतो.

800000000 लोकांची किडनी झालीये खराब…. शरीर ओरडून ओरडून देत असते ‘हे’ संकेत, वेळीच नाही ओळखले तर मृत्यू अटळ!

अ‍ॅसिडीटी टाळण्यासाठी रोजच्या लाईफस्टाईलमध्ये काही साधे सोपे बदल करणं गरजेचं आहे. आता ते बदल कसे करायचे हे जाणून घेऊयात.

• वेळेवर, हलकं आणि पौष्टिक जेवण घ्या.
• रात्रीच्या जेवणानंतर किमान दोन तासांनी झोपा.
• रोज थोडा व्यायाम, चालणे किंवा योग केल्याने पचन सुधारते आणि ताण कमी होतो.
• अ‍ॅसिडीटी ही केवळ पोटाची समस्या नसून, ती आपल्या संपूर्ण जीवनशैलीचे प्रतिबिंब असते.

योग्य आहार, नियमित दिनक्रम आणि सकारात्मक दृष्टीकोन ठेवला तर अ‍ॅसिडीटीवर सहज नियंत्रण मिळवता येते. हे रोजच्या आयुष्यातील छोटे छोटे बदल फक्त अ‍ॅसिडीटीच नाही तर भविष्यात होणाऱ्य़ा मोठ्या आजारांची शक्यता कमी करते, असं आरोग्यतज्ज्ञ सांगतात.