Healthy Recipe : हेल्दी पण टेस्टी असं काही खायचंय? मग जान्हवी कपूरची फेव्हरेट डिश ‘लो-कार्ब नूडल्स’ घरी बनवून खा

Low Carb Noodles Recipe : ही रेसिपी चव आणि हेल्थ यांचा उत्तम समतोल साधते. जर तुम्हाला फिटनेससोबतच चवदार खाणंही आवडत असेल, तर ही लो-कार्ब नूडल्स तुमच्यासाठी एक उत्तम पर्याय आहेत.

(फोटो सौजन्य: Pinterest)

Follow Us:

Follow Us:

• नूडल्स हे नेहमी अनहेल्दी मानले जातात.
• तुम्हालाही नूडल्स खायला आवडत असतील.
• तर तुम्ही घरी अभिनेत्री जान्हवी कपूरच्या आवडीचे लो कार्ब नूडल्स बनवून खाऊ शकता.

Recipe : शाही, सुगंधित चवीचा ‘बगारा राईस’ तुम्ही कधी खाल्ला आहे का? एकदा घरी बनवूनच पहा

आजकाल अनेक लोक वजन कमी करण्यासाठी किंवा फिट राहण्यासाठी लो-कार्ब पदार्थांकडे वळत आहेत. पण “हेल्दी” म्हणजे “चव नसलेलं” असं नाही! ही लो-कार्ब नूडल्स रेसिपी चवदार, हलकी आणि पटकन तयार होणारी आहे. घरच्या घरी सोप्या पद्धतीने बनवता येणारी ही रेसिपी तुमच्या दैनंदिन आहारात एक छान बदल घडवू शकते.

साहित्य:

• 2 मध्यम आकाराचे झुकीनी (Zucchini) / दोडका
• 1 गाजर (लांब कापलेले)
• 1 टेबलस्पून ऑलिव्ह ऑईल
• 3-4 लसूण पाकळ्या (बारीक चिरलेल्या)
• 1 टीस्पून सोया सॉस (लो सोडियम)
• 1/2 टीस्पून मिरची फ्लेक्स
• मीठ (चवीनुसार)
• मिरी पावडर (चवीनुसार)
• थोडं लिंबाचा रस
• सजावटीसाठी कोथिंबीर

कृती:

• सर्वप्रथम झुकीनीला स्पायरल कटरने किंवा किसणीने नूडल्ससारखे लांब स्ट्रिप्समध्ये कापा.
• गाजर सुद्धा लांब स्ट्रिप्समध्ये कापून ठेवा.
• कढईत ऑलिव्ह ऑईल गरम करून त्यात लसूण घालून हलका परतून घ्या
• आता गाजर आणि झुकीनी नूडल्स टाकून 2-3 मिनिटं हलक्या आचेवर परता. (जास्त शिजवू नका, नाहीतर ते मऊ पडतील)
• त्यात सोया सॉस, मीठ, मिरी पावडर आणि मिरची फ्लेक्स घालून छान मिक्स करा.
• शेवटी लिंबाचा रस घालून एकदा हलवून घ्या.
• गरमागरम नूडल्स प्लेटमध्ये काढून वरून कोथिंबीर घालून सजवा.
• अधिक प्रोटीनसाठी यात पनीर किंवा टोफू घालू शकता
• अजून हेल्दी बनवण्यासाठी सॉस कमी वापरा
• शिरटाकी नूडल्स वापरल्यास कार्ब्स अजून कमी होतात.

Web Title: Janhvi kapoor favourite low carb noodles recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com