मानेवर आणि घशात दिसून येतात Kidney Cancer ची लक्षणे, करू नका दुर्लक्ष होईल घात

दरवर्षी जगभरात लाखो लोक मूत्रपिंडाच्या कर्करोगामुळे आपले प्राण गमावतात. याचे एक मुख्य कारण म्हणजे वेळेवर लक्षणे ओळखता न येणे. या लेखाच्या मदतीने तुम्ही ही चूक टाळू शकता. काय आहेत लक्षणे जाणून घ्या

मूत्रपिंडातील कर्करोगाला मूत्रपिंडाचा कर्करोग असेही म्हणतात. याचा सर्वात जास्त धोका धूम्रपान करणाऱ्या लोकांमध्ये आढळतो. याशिवाय लठ्ठपणा, उच्च रक्तदाब, कौटुंबिक इतिहास, रेडिएशन थेरपी, डायलिसिस उपचार यामुळेही त्याचा धोका वाढतो.

किडनी कर्करोग हा एक सामान्य कर्करोग आहे जो ६५ ते ७४ वयोगटातील लोकांना होतो. पुरुषांपेक्षा महिलांमध्ये हा कर्करोग कमी प्रमाणात आढळतो. PubMed च्या एका अहवालानुसार, दरवर्षी जगभरात या कर्करोगाचे ४ लाख नवीन रुग्ण आढळतात आणि अंदाजे २ लाख मृत्यू होतात. हा कर्करोग अधिक प्राणघातक आहे कारण त्याची लक्षणे खूपच किरकोळ दिसतात, जी लोक सामान्यतः गांभीर्याने घेत नाहीत. काय आहेत ही लक्षणे आणि का दुर्लक्ष करू नये याबाबत जाणून घ्या (फोटो सौजन्य – iStock) 

मानेवर दिसतात संकेत 

एनएचएसच्या मते, जर मूत्रपिंडाचा कर्करोग असेल तर त्याची लक्षणे घशावर दिसू शकतात. यामध्ये घशात सूज येणे किंवा गाठ तयार होणे समाविष्ट आहे. मूत्रपिंड आणि घशात बरेच अंतर असल्याने, रुग्णाला ते ओळखता येत नाही. मुळात घसा खवखवत आहे असा समज अनेकांचा होतो आणि याकडे घरगुती औषध घेऊन दुर्लक्ष करण्यात येते आणि त्याचे गांभीर्य लक्षात न घेता नकळत बरेचदा दुर्लक्ष होते

Kidney Cancer Day: किडनी कॅन्सरच्या रुग्णांनी घ्यावा असा आहार, तज्ज्ञांचा सल्ला

किडनी कॅन्सरची अन्य लक्षणे 

• मूत्रात रक्त येणे
• पाठीवर, बरगड्याखाली गाठ किंवा सूज येणे
• बरगड्या आणि कंबर यांच्यातील वेदना ज्या सतत येत राहतात आणि अजिबात कमी होत नाहीत 
• भूक न लागणे
• थकवा जाणवणे
• जास्त घाम येणे
• प्रयत्नाशिवाय वजन कमी होणे वा अचानक घटणे 

कोणत्या चाचण्या गरजेच्या 

जर तुम्हाला वर उल्लेख केलेली लक्षणे जाणवत असतील, तर तुमचे डॉक्टर तुम्हाला कर्करोगाची पुष्टी करण्यासाठी काही चाचण्या करण्यास सांगू शकतात. यामध्ये मूत्र आणि रक्त चाचण्या, सीटी स्कॅन, अल्ट्रासाऊंड, एमआरआय यांचा समावेश आहे. या चाचणी तुम्ही त्वरीत करून घेणे आवश्यक आहे. पहिल्या स्टेजवरच किडनी कॅन्सर कळला तर त्यावर उपाय करणे सोपे होते आणि तुमचा जीव वाचू शकतो 

Kidney Cancer Day: मूत्रपिंडाचा कर्करोग कशामुळे होऊ शकतो? लक्षणे आणि संबंधित धोक्यांची माहिती

डॉक्टरांना कधी भेट द्यावी 

जर तुम्हाला बऱ्याच काळापासून फेसयुक्त आणि वास येणारा लघवी येत असेल. किंवा जर तुम्हाला लघवी करताना वेदना होत असतील, पाठीत, बरगड्यांच्या खाली वेदना होत असतील जे कमी होत नसतील, गुप्तांगांमध्ये वेदना होत असतील, तर ही लक्षणे आहेत की तुम्ही ताबडतोब डॉक्टरांचा सल्ला घ्यावा. याकडे दुर्लक्ष करणे तुमच्यासाठी फारच भयानक असू शकते आणि तुम्ही तुमचा जीवही गमावू शकता 

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.