Kitchen Tips : गरम जेवण थेट फ्रिजमध्ये ठेवलं तर काय होतं? ‘या’ गैरसमजामागचं सत्य जाणून घ्या

Kitchen Tips: उरलेले अन्न नंतर खाण्यासाठी फ्रिजमध्ये ठेवणे ही अनेक घरांमध्ये नेहमीची पद्धत आहे. मात्र, स्वयंपाक झाल्यानंतर लगेच गरम भांडे फ्रिजमध्ये ठेवणे टाळणे चांगले. गरम पदार्थ ठेवल्याने लगेच फ्रिज खराब होतो किंवा कंप्रेसर बंद पडतो.

• उरलेले अन्न फ्रिजमध्ये ठेवणे ही सामान्य आणि उपयुक्त पद्धत आहे.
• गरम भांडे लगेच फ्रिजमध्ये ठेवणे शक्यतो टाळावे.
• एक-दोन वेळा असे केल्याने लगेच फ्रिज खराब होईलच असे नाही.
• वारंवार गरम पदार्थ ठेवल्यास फ्रिजच्या कूलिंग सिस्टीमवर अतिरिक्त ताण येऊ शकतो.

Is It Safe to Keep Hot Food in the Fridge? जेवण उरलं की ते फेकून देण्यापेक्षा दुसऱ्या वेळेसाठी जपून ठेवणं ही आपली नेहमीची सवय आहे. त्यासाठी घरातला फ्रिज मोठी मदत करतो. भाजी, आमटी, भात, दूध, दही अशा अनेक गोष्टी त्यात सहज ठेवता येतात. मात्र, स्वयंपाक झाल्यानंतर लगेचच गरम भांडं फ्रिजमध्ये ठेवण्याची सवय असेल, तर थोडं थांबणं चांगलं.

गरम पदार्थ फ्रिजमध्ये ठेवल्याबरोबर मशीन खराब होतं, असं सरसकट म्हणता येणार नाही. एखाद्या वेळी असं झालं म्हणून लगेच कंप्रेसर बंद पडेल किंवा फ्रिजमध्ये बिघाड होईल, अशी भीती बाळगण्याची गरज नाही. पण ही गोष्ट रोजच केली, तर फ्रिजला नेहमीपेक्षा जास्त मेहनत घ्यावी लागू शकते.Kitchen Tips

विजेचा वापर वाढू शकतो..

यामागचं कारण अगदी सोपं आहे. फ्रिजच्या आत ठराविक थंड वातावरण असतं. त्यात नुकताच शिजवलेला आणि खूप गरम पदार्थ ठेवला, की आजूबाजूचं तापमान काही काळासाठी वाढतं. ते पुन्हा पूर्वीसारखं करण्यासाठी कंप्रेसरला जास्त वेळ चालावं लागतं. त्यामुळे विजेचा वापर वाढू शकतो आणि उपकरणावर अनावश्यक ताण येऊ शकतो.

पण यापेक्षा महत्त्वाची गोष्ट म्हणजे त्या फ्रिजमध्ये आधीपासून ठेवलेल्या पदार्थांवर त्याचा परिणाम होऊ शकतो. समजा, गरम आमटीचं मोठं भांडं तुम्ही थेट फ्रिजमध्ये ठेवलं. त्याच्या आसपास दूध, दही, फळं किंवा इतर लवकर खराब होणारे पदार्थ असतील, तर काही काळ त्यांच्याभोवतीचं तापमानही वाढू शकतं. त्यामुळे अन्नाची गुणवत्ता टिकवणं अवघड होऊ शकतं.

गरम पदार्थ आणखी एक अडचण

मोठ्या डब्यात भरलेला गरम पदार्थ आणखी एक अडचण निर्माण करतो. बाहेरचा भाग थंड झाला तरी डब्याच्या मध्यभागी असलेलं अन्न बराच वेळ गरम राहू शकतं. त्यामुळे पदार्थ लवकर आणि समान पद्धतीने थंड होत नाही. यासाठी घरच्या घरी एक छोटा बदल केला, तरी फरक पडतो.

उरलेलं जेवण मोठ्या भांड्यात ठेवण्याऐवजी त्याचे छोटे भाग करा. त्यासाठी उथळ आणि झाकण असलेले डबे वापरले तर पदार्थ पटकन थंड होतो. अशा पद्धतीने फ्रिजमधील इतर वस्तूंवरही उष्णतेचा परिणाम कमी होतो. डबा चांगला बंद असेल, तर जेवणाचा वासही इतर पदार्थांमध्ये मिसळत नाही.

आता प्रश्न असा की, पदार्थ किती वेळ बाहेर ठेवायचा? इथेही एक गैरसमज आहे. फ्रिजमध्ये ठेवण्यासाठी अन्न पूर्णपणे गार होईपर्यंत तासनतास बाहेर ठेवणं योग्य नाही. विशेषतः गरम हवामानात अन्न बराच वेळ खोलीच्या तापमानावर राहिलं, तर त्यात जिवाणू वाढण्याची शक्यता वाढते.

लगेच मशीन खराब

त्यामुळे पदार्थातून निघणारी जोराची वाफ कमी होऊ द्या आणि तो थोडा निवळल्यानंतर योग्य डब्यात भरून फ्रिजमध्ये ठेवा. म्हणजे ना गरम भांड्यामुळे फ्रिजवर अनावश्यक ताण येईल, ना अन्न खूप वेळ बाहेर राहील.

आता बायोप्सीची गरज कमी होणार? लाळ आणि स्वॅबमधून ओरल कॅन्सरची प्राथमिक तपासणी शक्य

आणखी एक गोष्ट लक्षात ठेवा. फ्रिजमध्ये गरम अन्न ठेवण्यापेक्षा कसं ठेवतो हे जास्त महत्त्वाचं आहे. मोठं भांडं तसंच आत ढकलण्याऐवजी छोट्या भागांत विभागणं हा सोपा आणि उपयोगी उपाय आहे.

Diabetes: डायबिटीस रूग्णांनी पापड, लोणचं खाणं योग्य आहे का? तज्ज्ञांचं मत

थोडक्यात, गरम पदार्थ एक-दोन वेळा फ्रिजमध्ये गेल्याने लगेच मशीन खराब होत नाही. मात्र, रोज मोठ्या प्रमाणात उकळतं किंवा खूप गरम अन्न थेट आत ठेवण्याची सवय टाळलेलीच बरी. काही मिनिटांचा संयम, योग्य आकाराचे डबे आणि थोडी काळजी घेतली, तर अन्नही व्यवस्थित राहील आणि फ्रिजची कार्यक्षमताही टिकून राहील.