रक्ताची कमतरता बिट भरून काढेल… घरी बनवा गुलाबी बीटाची चपाती; दिसायला आकर्षित अन् चवीला मजेदार

Beetroot Chapati Recipe : गुलाबी रंगाची बीटाची ही पौष्टीक चपाती चवीबरोबरच आरोग्यासाठीही फायद्याची ठरते. ही चपाती चवीला फार वेगळी लागत नाही पण आरोग्याला अनेक फायदे देऊन जाते.

• बीट आपल्या आरोग्यासाठी खूप फायद्याचा आहे
• अनेकांना बीट खायला आवडत नाही अशावेळी तुम्ही याची चपाती तयार करु शकता
• याची चव सामान्य चपातीप्रमाणेच लागते पण आरोग्यासाठी अधिक पाैष्टिक ठरते

बीटरूट चपाती हा रोजच्या साध्या जेवणात रंग, स्वाद आणि पोषण तीनही गोष्टी सुंदररीत्या आणणारा एक उपयुक्त आणि आकर्षक पर्याय आहे. भारतीय स्वयंपाकात गव्हाच्या पिठाची चपाती हा मुख्य अन्नघटक मानला जातो; त्यात थोडा बदल करून भाजीतील पोषक तत्वांचा समावेश करता आला तर जेवण अधिक समृद्ध बनते. बीटरूटमधील लोखंड, फायबर आणि नैसर्गिक गोडसर चव यामुळे ही चपाती मुलांपासून मोठ्यांपर्यंत सर्वांनाच आवडू शकते.

हिवाळ्यात रोगप्रतिकारशक्ती वाढवण्यासाठी नियमित प्या गरमागरम सूप, हाडांचे आरोग्य सुधारून कायमच राहाल ठणठणीत

रंगाने गुलाबीसर दिसणारी ही चपाती ताटात येताच भूक वाढवते आणि घरातील नियमित जेवणाला नवी उठावदार छटा मिळते. रोजच्या चवीत थोडा बदल हवा असेल, पचायला हलके काही हवे असेल किंवा मुलांना भाज्या आवडाव्यात यासाठी नवा मार्ग शोधत असाल, तर बीटरूट चपाती उत्तम ठरते. थोडासा वेळ आणि साधे साहित्य वापरून ही चपाती घरी सहज तयार करता येते, तसेच तिचा पोत आणि सुगंध दोन्हीही उत्तम जुळून येतात. चला बीटाची हा चपाती तयार करण्यासाठी लागणारे साहित्य आणि कृती जाणून घेऊया.

साहित्य

• गव्हाचे पीठ
• उकडलेला आणि किसलेला बीटरूट
• मीठ
• थोडे तेल
• कणीक भिजवण्यासाठी आवश्यक तेवढे पाणी

सकाळच्या नाश्ता करा पौष्टिक आणि चविष्ट, यंदा घरी बनवून खा ‘पालक चिला’; अवघ्या 10 मिनिटांची रेसिपी

कृती

• यासाठी सर्वप्रथम उकडलेला बीटरूट बारीक किसून घ्या.
• यानंतर एका भांड्यात गव्हाचे पीठ घेऊन त्यात किसलेला बीट, आणि मीठ घालून सर्व एकत्र करुन घ्या.
• बीटरूटमध्ये आधीच पाणी असते, त्यामुळे आवश्यकतेनुसारच पाणी घालावे.
• मिश्रण एकसंध कणीक होईपर्यंत मळा आणि त्याला थोडा वेळ झाकून ठेवा.
• कणीक मऊसर झाल्यावर छोटे गोळे बनवून पातळ आणि गोल चपात्या लाटून घ्या.
• दुसरीकडे गॅसवर तवा तापायला ठेवा, तवा तापला की तयार चपाती यावर टाका आणि दोन्ही बाजूंनी छान भाजून घ्या.
• चपातीला तेल लावल्यास याची चव आणखीन उत्तम लागते.
• गरमा गरम बीटरूट चपाती दही, लोणचे किंवा भाजीसोबत खाण्यासाठी सर्व्ह केली जाऊ शकते.
• आपल्या रोजच्या आहारात तम्ही या चपातीचा समावेश करु शकता.