सकाळच्या नाश्ता करा पौष्टिक आणि चविष्ट, यंदा घरी बनवून खा ‘पालक चिला’; अवघ्या 10 मिनिटांची रेसिपी

Palak Chila Recipe : पालकची भाजी आरोग्यासाठी खूप फायद्याची ठरते पण अनेकांना ती फारशी आवडत नाही. अशात तुम्ही पालकपासून चवदार आणि खमंग असा चिला तयार करु शकता.

(फोटो सौजन्य – Pinterest)

Follow Us:

Follow Us:

• पालकचा चिला चवीला लागतो लज्जतदार
• सकाळच्या नाश्त्यासाठी पौष्टिक आणि चविष्ट पर्याय
• पालकच्या चिल्याची रेसिपी नोट करा

सकाळची सुरुवात चहाने करताय? मग थंडीच्या या दिवसांत घरी बनवून पहा गरमा गरम ‘काश्मिरी काहवा’

पारंपरिक थाळीपासून ते आधुनिक डब्यापर्यंत सहज रुळणारा हा पदार्थ बनवताना फारसे कौशल्य लागत नाही. घरी उपलब्ध असलेल्या काही मोजक्या साहित्यांत हा पर्याय त्वरेने तयार होऊ शकतो. त्यामुळे पौष्टिकतेची तडजोड न करता स्वादिष्ट काही खायचे असेल तर पालक चिला हा एक उत्तम पर्याय आहे. चला लगेच नोट करुन घेऊयात यासाठी लागणारे साहित्य आणि कृती.

साहित्य

• बारीक चिरलेला ताजा पालक
• बेसन
• तांदुळाचे पीठ किंवा रवा
• हळद
• हिरवी मिरची
• आलं
• जिरे
• मीठ
• पाणी
• तेल

कृती

• यासाठी सर्वप्रथम पालक स्वच्छ धुऊन बारीक चिरून घ्यावा.
• एका भांड्यात बेसन, तांदुळाचे पीठ किंवा रवा, हळद, चिरलेली हिरवी मिरची, किसलेले आलं, जिरे आणि मीठ एकत्र मिश्रीत करावे.
• त्यात चिरलेला पालक घालून सगळे साहित्य एकजीव करावे. नंतर हळूहळू पाणी घालून हलकेसे गुठळ्या नसलेले पातळसर पीठ तयार करावे.
• तवा गरम करून त्याला हलके तेल लावा.
• तयार केलेले पीठ तव्यावर ओतून पसरवा आणि छानसा चिला तयार करा.
• आता दोन्ही बाजूला तेल लावून चिला खरपूस भाजून घ्या.
• तयार पालक चिला दही, चटणी किंवा सॉस बरोबर सर्व्ह करता येतो.
• हा पदार्थ गरम असतानाच अधिक स्वादिष्ट लागतो.

Web Title: Make your morning breakfast nutritious and tasty note down the palak chila recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com