लहान मुलांच्या आवडीचे गोड अन् मऊसर Donut घरी कसे तयार करायचे? पार्टीसाठी परफेक्ट रेसिपी!

डोनट ही एक स्वीट डिश असून हा एक पाश्चात्य पदार्थ आहे जो चवीला गोडसर लागतो. विशेष करून लहान मुलांना हा पदार्थ खायला फार आवडतो. संध्याकाळचा चहा किंवा कॉफीसोबत या पदार्थाची चव आणखीनच छान लागते.

पाश्च्यात्य गोड पदार्थांमध्ये डोनट हा सर्वांच्या आवडीचा आणि लोकप्रिय पदार्थ आहे. बेकरीमध्ये उपलब्ध असलेला हा पदार्थ लहानांपासून मोठ्यांपर्यंत सर्वांच्याच आवडीचा आहे. हा एक तळलेला गोड पदार्थ आहे जो चवीला अप्रतिम लागतो. संध्याकाळच्या नाश्त्यासाठी किंवा पार्टीसाठी हा एक उत्तम पर्याय आहे. डोनट्स हवं तसं सजवता येतं, यावर आपल्या आवडीचे टॉपिंग्स टाकता येतात ज्याने याची चव आणखीनच छान लागते.

Raksha Bandhan 2025 : अनोख्या पदार्थाने करा सर्वांनाच खुश; सणासुदीसाठी खास Coconut Roll ची भन्नाट आणि चविष्ट रेसिपी!

विशेषतः लहान मुलांना हा पदार्थ फारच आवडतो. तुम्हाला जर आपल्या मुलांसाठी काही खास करायचं असेल अथवा गोड पदार्थ खायला फार आवडत असेल तर ही रेसिपी तुमच्यासाठी परफेक्ट आहे. हा पदार्थ घरी बनवणेही फार सोपे आणि सहज आहे. तुम्हालाही जर घरी काही हटके बनवून खायचे असेल तर तुम्ही ही रेसिपी नक्कीच ट्राय करू शकता. चला जाणून घेऊया यासाठी लागणारे साहित्य आणि कृती.

साहित्य:

• मैदा – २ कप
• साखर – १/४ कप
• सुकं यीस्ट – १ चमचा
• कोमट दूध – १/२ कप
• मीठ – १/४ चमचा
• अंडी – १ (ऐच्छिक)
• लोणी (पिघटवलेले) – २ चमचे
• व्हॅनिला इसेन्स – १ चमचा
• तेल – तळण्यासाठी
• पिठीसाखर / चॉकलेट सिरप / रंगीत स्प्रिंकल्स – सजावटीसाठी

महिलांच्या आरोग्यासाठी वरदान ठरेल कोहळ्याचं सूप! चेहऱ्यावर येईल चमकदार ग्लो, नोट करून घ्या रेसिपी

कृती:

• डोनट बनवण्यासाठी सर्वप्रथम एका भांड्यात कोमट दूध, यीस्ट आणि थोडी साखर मिसळून १० मिनिटं झाकून ठेवा, जेणेकरून यीस्ट सक्रिय होईल.
• दुसऱ्या मोठ्या भांड्यात मैदा, उरलेली साखर, मीठ, अंडं (ऐच्छिक), लोणी, व्हॅनिला इसेन्स आणि यीस्टचं मिश्रण घालून मळायला घ्या.
• हे पीठ मऊ आणि एकजीव होईपर्यंत ८-१० मिनिटं मळा. नंतर झाकून १ तास गरम जागी ठेवून फुलवून घ्या.
• पीठ फुलल्यावर, त्याला हलकं मळून लाटून घ्या आणि ग्लास व बाटलीच्या झाकणाच्या सहाय्याने डोनट्सचा आकार द्या.
• तयार डोनट्स पुन्हा १५-२० मिनिटं झाकून फुलवून घ्या.
• एका कढईत तेल गरम करून डोनट्स मध्यम आचेवर सोनेरी रंग येईपर्यंत तळा.
• डोनट्स थोडे थंड झाल्यावर त्यावर पिठीसाखर शिंपडा किंवा चॉकलेट सिरप आणि स्प्रिंकल्स घालून सजवा.
• अंड न वापरता तुम्ही ही रेसिपी व्हेज पद्धतीने देखील करू शकता.
• डोनट्स फ्रीजमध्ये ठेवून २ दिवस टिकू शकतात.
• आनंद घ्या गरमागरम, मऊसर आणि गोडसर डोनट्सचा – घरच्या घरी, आपल्या हातांनी बनवलेला खास गोड पदार्थ!