Raksha Bandhan 2025 : अनोख्या पदार्थाने करा सर्वांनाच खुश; सणासुदीसाठी खास Coconut Roll ची भन्नाट आणि चविष्ट रेसिपी!

कोकोनट रोल : पारंपरिक चव, नव्या रूपात! रक्षाबंधन स्पेशल आम्ही तुमच्यासाठी गोड पदार्थाची एक भन्नाट रेसिपी घेऊन आलो आहोत जी चवीला तर उत्तम लगेच शिवाय दिसायलाही ती फार आकर्षक वाटते.

(फोटो सौजन्य: Youtube)

Follow Us:

Follow Us:

रक्षाबंधनाचा गोड आणि पवित्र सण लवकरच जवळ येत आहे. सणानिमित्त आपल्या घरी गोडाचे पदार्थ हे बनतातच अशात याच गोड पदार्थांनी घरातल्यांना खुश करण्यासाठी आज आम्ही एक भन्नाट रेसिपी घेऊन आलो आहोत. गोड पदार्थ हे नेहमीच बाहेरूनच खरेदी केले पाहिजेत असा काही नियम नाही. स्वतःच्या हाताने आणि प्रेमाने तयार केलेले गोड पदार्थ घरातल्यांना आणखीनच खुश करू शकतात आणि यामुळे नात्याचा गोडवा दुप्पट होऊ शकतो.

Raksha Bandhan 2025 : तोंडात टाकताच विरघळणारे गोड मोतीचूर लाडू घरी कसे तयार करायचे? गोड सणाची गोड रेसिपी!

यंदाच्या रक्षाबंधनाला जर तुम्ही कोणता खास पदार्थ घरी बनवण्याचा विचार करत असाल तर नारळाचा गोड, मऊदार रोल तुमच्यासाठी एक उत्तम ठरेल. एक हा चवीला तर छान लागतोच शिवाय दिसायलाही फार आकर्षक वाटतो. हा रोल नारळाच्या खोबर्‍यातून तयार होतो व त्यात साखरेची गोडी, थोडा दूधाचा ओलावा आणि वेलदोड्याचा सुगंध यामुळे याचा स्वाद लाजवाब लागतो. हे रोल पाहायला सुंदर आणि खायला झटपट संपणारे असतात. लहान मुलांपासून मोठ्यांपर्यंत सगळ्यांना आवडणारा हा गोड पदार्थ आहे. चला जाणून घेऊया यासाठी लागणारे साहित्य आणि कृती.

साहित्य

• दूध पावडर – 1 कप
• साखर – 1/2 कप
• दूध – 1/4 कप
• तूप – 2 टेबलस्पून
• कोको पावडर (ऑप्शनल) – 1 टेबलस्पून
• किसलेला सुका नारळ – 1 कप
• साखर – 1/2 कप
• दूध – 1/4 कप
• वेलदोडा पूड – 1/2 टीस्पून
• काजू, बदामाचे तुकडे – 2 टेबलस्पून (ऐच्छिक)

कृती

• सर्वप्रथम एका कढईत दूध, साखर व किसलेला नारळ एकत्र करून मध्यम आचेवर शिजवायला ठेवा.
• मिश्रण कोरडे होत आलं की त्यात वेलदोडा पूड व ड्रायफ्रूट्स टाका.
• सर्व मिश्रण चांगलं एकजीव झालं की गॅस बंद करून थंड होऊ द्या.
• दुसऱ्या कढईत तूप गरम करून त्यात दूध, साखर आणि दूध पावडर टाका.
• सतत ढवळत राहा आणि गुठळ्या होऊ देऊ नका.
• कोको पावडर घालून एकसंध गोळा तयार होईपर्यंत शिजवा.
• हे मिश्रण थंड झाल्यावर एका प्लास्टिक शीटवर लाटून चौकोनी आकारात पसरवा.
• तयार सारण हे पसरवलेल्या आवरणावर समानरीत्या लावा आणि हळूहळू रोलसारखा गुंडाळा.
• रोल थंड होऊ द्या व नंतर सुरीने समान तुकडे करा.
• रोल फ्रीजमध्ये ठेवल्यास चांगले सेट होतात.
• कोकोनट रोल ७-८ दिवस टिकतात.

सर्दीपासून तात्काळ आराम मिळवण्यासाठी सकाळच्या नाश्त्यात झटपट बनवा गरमागरम मिक्स व्हेज सूप, नोट करून घ्या रेसिपी

FAQs (संबंधित प्रश्न)

२०२५ वर्षात रक्षाबंधन कधी साजरा केला जाणार आहे?
शनिवार, ९ ऑगस्ट

कोकोनट रोलला रेफ्रिजरेटरमध्ये ठेवण्याची गरज आहे का?
होय, सर्वोत्तम परिणामांसाठी त्याला रेफ्रिजरेटरमध्ये ठेवणे आवश्यक आहे

Web Title: Raksha bandhan 2025 especially for the festive season a unique and delicious recipe of coconut roll

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com