संध्याकाळचा नाश्ता थोडा चिजी होऊन जाऊद्यात; घरी बनवा सर्वांच्या आवडीचा Mac And Cheese

मॅक अँड चीज ही एक अमेरिकन डिश आहे जी मॅकरोनी पास्ता आणि चीज वापरून तयार केली जाते. चीज लव्हर्स असाल तर तुम्हाला ही रेसिपी खायला नक्कीच आवडेल. चला एक सोपी आणि झटपट रेसिपी जाणून घेऊया.

अनेकांना संध्याकाळ झाली की काही ना काही चविष्ट खाण्याची इच्छा होऊ लागते. अशावेळी तेच तेच जेवण नाही तर काहीतरी वेगळं आणि टेस्टी खाण्याची इच्छा होते. म्हणूनच आज आम्ही तुमच्यासाठी एक चविष्ट आणि सर्वांच्या तोंडाला पाणी आणणारी रेसिपी घेऊन आलो आहोत. आजच्या आपल्या रेसिपीचे नाव आहे मॅक अँड चीजची एक जबरदस्त रेसिपी! चीजने भरलेली ही रेसिपी तुमच्या संध्याकाळची मजा आणखीनच द्विगुणित करेल.

सकाळचा नाश्ता करा हटके; घरी बनवा खमंग दुधीचे थालीपीठ, झटपट तयार होते रेसिपी

मॅक अँड चीज एक अमेरिकन डिश आहे जी जगभर फार प्रसिद्ध आहे. तुम्हाला फास्ट फूड खायला फार आवडत असेल तर ही रेसिपी तुमच्या आवडीची ठरणार आहे. खासकरून मुलांना आणि चीजप्रेमींसाठी ही रेसिपी म्हणजे पर्वणीच! मॅकरोनी पास्ता आणि चीज यांच्या अफलातून संगमामुळे तयार होणारी ही डिश खूपच क्रीमी, मऊसर आणि चवदार असते. ही डिश आपण संध्याकाळच्या नाश्त्यासाठी किंवा लंचमध्ये पटकन तयार करू शकतो. चला लगेच जाणून घेऊया यासाठी लागणारे साहित्य आणि कृती.

साहित्य

• मॅकरोनी पास्ता – २ कप
• दूध – २ कप
• मैदा (असलेल फळपदार्थ) – २ टेबलस्पून
• बटर – २ टेबलस्पून
• किसलेले चीज – १ ते १.५ कप (चेडर किंवा प्रोसेस्ड)
• काळी मिरी पावडर – ½ टीस्पून
• मीठ – चवीनुसार
• थोडे ओरेगॅनो / हर्ब्स (ऐच्छिक)

कृती

• मॅक अँड चीज बनवण्यासाठी सर्वप्रथम एका मोठ्या भांड्यात पाणी उकळून त्यात थोडं मीठ घालावं. त्यात
• मॅकरोनी टाकून ८-१० मिनिटे शिजवावी. नंतर गाळून एकदाच थंड पाण्याने धुवून घ्यावी.
• कढईत बटर गरम करून त्यात मैदा टाकून मध्यम आचेवर हलवावं. मैदा १-२ मिनिटे परतून घ्यावा, जोपर्यंत त्याचा कच्चा वास निघून जात नाही.
• हळूहळू दूध घालत सॉस हलवत रहावे जेणेकरून गाठी पडणार नाहीत. हे मिश्रण थोडं घट्ट होईपर्यंत शिजवा.
• सॉस घट्ट झाल्यावर त्यात किसलेलं चीज टाकावं आणि मिक्स करून वितळवावं. चवीनुसार मीठ आणि काळी मिरी घालावी.
• शिजवलेली मॅकरोनी चीज सॉस मध्ये टाकून चांगली मिक्स करावी. थोडा वेळ गॅसवर ठेवून सर्व घटक एकजीव होऊ द्यावेत.
• गरम गरम मॅक अँड चीज प्लेटमध्ये काढून त्यावर ओरेगॅनो किंवा हर्ब्स टाकून सर्व्ह करावे.
• हवं असल्यास वरून थोडं चीज टाकून ओव्हनमध्ये ५-७ मिनिटे बेक करून बेक्ड मॅक अँड चीज तयार करता येतो.
• तुम्ही यामध्ये भाज्या (जसे की ब्रोकोली, कॉर्न, मटार) पण घालू शकता.
• झटपट, मऊसर आणि चीजने भरलेली ही मॅक अँड चीज रेसिपी नक्की करून पहा