रात्रीच्या जेवणाला बनवा बिर्याणीचा बेत, पण नेहमीची चिकन नाही तर यावेळी ट्राय करा मसालेदार ‘अंडा बिर्याणी’

Egg Biryani Recipe : बिर्याणी लव्हर्स असाल आणि नवनवीन बिर्याणीची चव चाखायला जर तुम्हाला आवडत असेल तर ही अंडा बिर्याणी तुम्हीच नक्कीच ट्राय करायला हवी. ही एक वेळखाऊ रेसिपी असली तरी याची चव मात्र मनाला सुखावून जाते.

भारतीय खाद्यसंस्कृतीत बिर्याणीला एक वेगळंच स्थान आहे. सुगंधी मसाले, बासमती तांदळाचा मोहक वास आणि त्यात भरलेला मांस, भाजी किंवा अंड्यांचा तडका. या सगळ्यामुळे बिर्याणी हा पदार्थ प्रत्येकाला आवडतो. बिर्याणीच्या अनेक प्रकारांपैकी एग बिर्याणी हा सोपा आणि चविष्ट प्रकार आहे. ज्यांना चिकन किंवा मटण आवडत नाही त्यांच्यासाठी अंड्याची बिर्याणी उत्तम पर्याय ठरते.

आवडीच्या पदार्थाने करा लहान मुलांना खुश; मेहनत घेण्याची गरज नाही, कुकरमध्ये बनवा देसी स्टाईल ‘पास्ता’

घरच्या घरी कमी वेळेत पण रेस्टॉरंटसारखी बिर्याणी तयार करायची असेल तर एग बिर्याणी योग्य आहे. यात उकडलेल्या अंड्यांना खास मसाल्यात भाजून त्यात बासमती तांदळाचा थर दिला जातो. बिर्याणीचा मसाला, सुगंधी मसाले आणि तुपाचा मस्त वास जेवणाची मजा द्विगुणित करतो. रविवारच्या खास जेवणासाठी, पाहुणचारासाठी किंवा एखाद्या खास दिवशी एग बिर्याणी बनवली तर सर्वजण खुश होतात. चला जाणून घेऊया यासाठी लागणारे साहित्य आणि कृती.

साहित्य

भातासाठी:

• २ कप बासमती तांदूळ
• ४ कप पाणी
• २ तमालपत्र
• ४-५ लवंगा
• २ हिरवे वेलदोडे
• १ मोठा तुकडा दालचिनी
• चवीनुसार मीठ

मसाल्यासाठी:

• ४ उकडलेली अंडी
• २ कांदे (पातळ चिरलेले)
• २ टोमॅटो (बारीक चिरलेले)
• २ हिरव्या मिरच्या (चिरलेल्या)
• १ टेबलस्पून आले-लसूण पेस्ट
• ½ कप दही
• ½ टीस्पून हळद
• १ टीस्पून लाल तिखट
• १ टीस्पून धनेपूड
• १ टीस्पून बिर्याणी मसाला
• चवीनुसार मीठ
• ३ टेबलस्पून तेल किंवा तूप

गार्निशसाठी:

• पुदिन्याची पाने
• कोथिंबीर
• तळलेला कांदा (ऑप्शनल)

पितृपक्षातील श्राद्ध भोजनासाठी पारंपरिक पद्धतीने बनवा चवदार भोपळ्याचची भाजी, चुकूनही घालू नका ‘हे’ पदार्थ

कृती

• यासाठी सर्वप्रथम तांदूळ धुऊन ३० मिनिटे भिजवून ठेवा
• पाणी उकळून त्यात तमालपत्र, दालचिनी, लवंगा, वेलदोडे घाला. नंतर तांदूळ टाकून ८०% शिजेपर्यंत शिजवा. पाणी गाळून भात बाजूला ठेवा.
• उकडलेल्या अंड्यांना काट्याने छिद्र पाडून त्यांना थोडी हळद व मीठ लावून हलक्या तेलात सोनेरी तळून घ्या.
• एका पॅनमध्ये तेल/तूप गरम करून कांदा सोनेरी होईपर्यंत परता. आले-लसूण पेस्ट घालून सुवास येईपर्यंत परता.
• टोमॅटो, हिरव्या मिरच्या टाकून मऊ होईपर्यंत परता. हळद, तिखट, धनेपूड व बिर्याणी मसाला घालून चांगले मिक्स करा.
• दही घालून मसाला मऊसर होईपर्यंत शिजवा. नंतर तळलेली अंडी मसाल्यात टाकून २ मिनिटे हलक्या हाताने परता.
• एका भांड्यात आधी थोडा भात, मग मसाला व अंडी, पुन्हा भात असा थर लावा. मध्ये पुदिना व कोथिंबीर घाला.
• वरून थोडं तूप टाकून झाकण घट्ट लावा. मंद आचेवर १०-१५ मिनिटे दम द्या म्हणजे बिर्याणीला अप्रतिम सुगंध व चव येईल.
• गरमागरम एग बिर्याणी रायता, कोशिंबीर किंवा पापडासोबत सर्व्ह करा.