यंदा गणरायाचे आगमन, तारीख, महत्त्व आणि शुभ मुहूर्त जाणून घ्या

भाद्रपद महिना म्हंटल की आठवतो तो गणेशोत्सव. प्रत्येकजण या दिवसाची खूप आतुरतेने वाट पाहत असतात. महाराष्ट्रात गणेशोत्सवाला अनन्य साधारण महत्त्व आहे. बुद्धीची देवता, विघ्नहर्ता, सुखकर्ता, १४ विद्या आणि ६४ कलेचा अधिपती असलेल्या गणेशाचे पूजन या महिन्यात केले जाते. भाद्रपद शुद्ध चतुर्थीला गणपती बाप्पाच्या मूर्तिची पूजा करण्याची प्राचीन परंपरा आपल्याकडे आहे. तसेच हा सण संपूर्ण देशभरासह अन्य देशातही मोठ्या प्रमाणात साजरा केला जातो. जाणून घेऊयात गणपती बाप्पाच्या आगमनाची यंदाची तारीख, महत्व आणि पूजेचा शुभ मुहुर्त

दरवर्षीप्रमाणे भाद्रपद मासातील शुक्ल पक्षातील चतुर्थी तिथीला गणेश चतुर्थी साजरी केली जाईल. या चतुर्थीला सिद्धी विनायक व्रत असेही म्हटले जाते. या दिवशी देशाच्या अनेक ठिकाणी लोक श्रीगणेशाच्या मूर्तीची पूजा करतात. या वर्षी बुधवार ३१ ऑगस्टला, भाद्रपद शुक्ल चतुर्थी तिथी आहे. म्हणजेच ३१ ऑगस्टला गणपती बाप्पा सर्वत्र विराजमान होतील. बुधवारी गणेश चतुर्थी आल्याने या व्रताचे महत्त्व वाढत आहे कारण गणपती बाप्पा स्वतः बुधवारचा देव आहे.