Bangda Fry Recipe: पारंपरिक पद्धतीने घरी बनवा बांगडा फ्राय; पाहता क्षणी तोंडाला पाणी सुटेल

नॉनव्हेज लव्हर्ससाठी खास, बांगडा फ्रायची पारंपरिक रेसिपी! मसाल्यांमध्ये मॅरीनेट केलेला कुरकुरीत बांगडा फ्राय मांसाहार खाद्यप्रेमींसाठी स्वर्गसुखाहून कमी नाही. याची सहज, सोपी आणि झटपट रेसिपी जाणून घ्या.

फिश लवर्ससाठी आजची रेसिपी खास ठरणार आहे, कारण आज आम्ही तुमच्यासाठी घेऊन आलो आहोत बांगडा फ्रायची चवदार रेसिपी. नाॅनव्हेज लवर्स असाल तर बांगडा फ्राय तुम्ही नक्कीच खाल्ला असेल. बांगडा फ्राय हा महाराष्ट्रायीन खाद्यसंस्कृतील एक लोकप्रिय पदार्थ आहे. ही कोकणातील एक पारंपरिक आणि अतिशय चविष्ट सीफूड डिश आहे. बांगडा हा अत्यंत पौष्टिक आणि ओमेगा-३ फॅटी ॲसिड्सने भरलेला मासा आहे. मसाल्यात मॅरिनेट करुन तव्यावर छान कुरकुरीत भाजून याला खाण्यासाठी सर्व्ह केले जाते.

जेवणाच्या ताटात तोंडी लावण्यासाठी सोप्या पद्धतीमध्ये बनवा शेवग्याच्या पानांची चटणी, भाकरीसोबत लागेल मस्त

विकेंड जवळ येत आहे. अशात घरी नॉनव्हेजचा बेत आखत असाल तर ही रेसिपी तुमच्यासाठी परफेक्ट आहे. बांगडा फ्राय तयार करण्यासाठी विशेष अशा साहित्याची आवश्यकता लागत नाही. यासाठी घरगुती मसाल्यांची गरज असते, जी या पदार्थाला आणखीन चवदार बनवतात. शिवाय यात तुमचा फारसा वेळही जाणार नाही. चला तर मग बांगडा फ्राय तयार करण्यासाठी लागणारे साहित्य आणि कृती जाणून घेऊया.

साहित्य:

• बांगडे – ४
• हळद – १/२ टीस्पून
• लाल तिखट – १.५ टेबलस्पून
• आलं-लसूण पेस्ट – १ टेबलस्पून
• लिंबाचा रस – १ टेबलस्पून
• मीठ – चवीनुसार
• रवा – २ टेबलस्पून (कोटिंगसाठी)
• तांदळाची पीठ – १ टेबलस्पून
• तेल – तळण्यासाठी

सकाळची सुरुवात! मटकीचे घावन कधी खाल्ले आहेत का? चवीला अप्रतिम, घरचेही होतील खुश

कृती:

• यासाठी बांगड्यांना स्वच्छ धुऊन, त्यातील घाण काढून घ्या
• यानंतर बांगड्यावर २-३ खोल चिरे पाडा
• आता एका भांड्यात हळद, लाल तिखट, आलं-लसूण पेस्ट, लिंबाचा रस आणि मीठ एकत्र करून घट्ट पेस्ट तयार करा
• ही पेस्ट बांगड्यावर नीट लावून कमीत कमी ३० मिनिटे मुरवायला ठेवा, यामुळे सर्व मसाले बांगड्यात मूरतील, ज्यामुळे चव आणखीन छान लागेल
• आता रवा व तांदळाचे पीठ एकत्र करून एका प्लेटमध्ये ठेवा
• मग मसाल्यात मॅरीनेट केलेला बांगडा नीट रवा-तांदळाच्या पिठात चांगला कोट करा
• नॉनस्टिक तव्यावर थोडं तेल गरम करा आणि मध्यम आचेवर बांगडे दोन्ही बाजूंनी खरपूस तळून घ्या
• दोन्ही बाजूंनी बांगड्याला छान कुरकुरीत होईपर्यंत तळा
• गरमागरम बांगडा फ्राय भाकरी, वरणभात किंवा सोलकडीबरोबर सर्व्ह करा