वेस्टर्न पदार्थाला इंडियन टच; घरी बनवा बटाट्यापासून तयार होणारा कुरकुरीत हॅश ब्राऊन

Hash Brown Recipe: कुरकुरीतपणा + भारतीय मसाल्याची चव = हॅश ब्राउन विथ देसी ट्विस्ट! हा एक पाश्च्यात्य पदार्थ आहे ज्याला इंडियन टच देऊन तयार केले जाऊ शकते. याची रेसिपी फार सोपी आहे झटपट आहे.

हॅश ब्राउन ही पारंपरिक पाश्चिमात्य डिश असली, तरी थोडे मसाले घालून तिचं भारतीय रूपांतर केलं की ती अजूनच चविष्ट आणि आकर्षक बनते. हा एक कुरकुरीत पदार्थ आहे जो बटाट्यापासून तयार केलं जात. लहान मुलांना तर याची फारच आवडेल. नवनवीन रेसिपीज ट्राय करायला आवडत असेल तर तुम्हाला हा पदार्थ नक्कीच आवडेल.

ब्रेडचा वापर न करता १० मिनिटांमध्ये बनवा कुरकुरीत रव्याचे सँडविच, घाईगडबडीमध्ये झटपट तयार होईल पदार्थ

सकाळच्या अथवा संध्याकाळच्या नाश्त्यासाठी तुम्ही या पदार्थाचा आपल्या आहारात समावेश करू शकता. मुलांच्या डब्यासाठी ही एक मस्त कुरकुरीत रेसिपी आहे. साले आणि थोडं झणझणीत चव याचं एक परफेक्ट कॉम्बिनेशन म्हणजे हॅश ब्राऊन. अनेकांनी या पदार्थाचं नाव ऐकलं असेल तर काहींनी ऐकलंही नसेल मात्र विश्वास ठेवा याची चव एकदा चाखली तर तुम्ही या पदार्थाचे फॅन व्हाल. चला तर मग कोणताही वेळ न घालवता जाणून घघेऊया यासाठी लागणारे साहित्य आणि कृती.

साहित्य

• बटाटे – २ मध्यम आकाराचे (साल काढून किसलेले)
• कांदा – १ लहान, बारीक चिरलेला (ऐच्छिक)
• हिरवी मिरची – १ बारीक चिरलेली
• आले-लसूण पेस्ट – १ टीस्पून
• हळद – ¼ टीस्पून
• लाल तिखट – ½ टीस्पून
• धणे-जिरे पूड – ½ टीस्पून
• मीठ – चवीनुसार
• तांदळाचं पीठ / कॉर्न फ्लोअर – १-२ टेबलस्पून (कुरकुरीतपणा आणि बांधणीसाठी)
• कोथिंबीर – १ टेबलस्पून (बारीक चिरून)
• तेल – शॅलो फ्रायसाठी

जेवण बनवण्याचा कंटाळा आलाय? तर मग झटपट घरी बनवा लज्जतदार Egg Rice

कृती

• हॅश ब्राऊन बनवण्यासाठी सर्वप्रथम सर्वप्रथम बटाटे किसून थोडं पाणी दाबून काढा (त्यामुळे हॅश ब्राउन कुरकुरीत होतील)
• एका मोठ्या भांड्यात किसलेले बटाटे, चिरलेला कांदा, हिरवी मिरची, आले-लसूण पेस्ट, हळद, तिखट, धणे-जिरे पूड, मीठ, तांदळाचं
• पीठ आणि कोथिंबीर घालून सगळं एकत्र मिक्स करा
• या मिश्रणाचे छोटे गोळे घेऊन थोडसं दाबून टिक्की/हॅश ब्राउन सारखा आकार द्या
• तवा गरम करून त्यावर थोडंसं तेल टाका आणि तयार केलेले हॅश ब्राउन मध्यम आचेवर दोन्ही बाजूंनी छान कुरकुरीत आणि सोनेरी रंग
• येईपर्यंत शॅलो फ्राय करा, तुम्हाला हवं असल्यास तुम्ही याला डीप फ्राय देखील करू शकता
• गरम गरम भारतीय हॅश ब्राउन सॉस किंवा दह्याच्या डिपसोबत सर्व्ह करा
• हवे असल्यास बारीक किसलेली गाजरं, सिमला मिरची वगैरे भाजीपाला यात घालू शकता
• हॅश ब्राउन तयार करताना हाताला थोडंसं तेल लावल्यास मिश्रण चिकटत नाही