Liver Damage: लिव्हरसबंधित आजाराच्या ‘या’ लक्षणांकडे अजिबात करू नका दुर्लक्ष, हलक्यात घेणे पडेल शरीरासाठी महागात

Liver Damage: लिव्हरच्या आजारांची लागण झाल्यानंतर हातांच्या तळव्यांवर लालसरपणा, खाज, नखे इत्यादी अवयवांमध्ये बदल दिसून येतात. या बदलांकडे अजिबात दुर्लक्ष न करता वेळीच डॉक्टरांच्या सल्ल्याने उपचार करावेत.

Liver Damage: लिव्हर शरीरातील अतिशय महत्वाचा अवयव मानला जातो. रक्तातील प्रथिने, संप्रेरके आणि रक्ताभिसरण नियंत्रित ठेवण्याचे महत्वपूर्ण काम लिव्हर करतो. त्यामुळे लिव्हरच्या आरोग्याची काळजी घेणे फार आवश्यक आहे. जीवनशैलीत होणारे बदल, जंक फूडचे आणि शरीरसंबंधित इतर समस्या लिव्हरच्या कार्यात अडथळे निर्माण करतात. लिव्हरचे आरोग्य बिघडल्यानंतर त्वचा, नखे आणि हातांच्या पेशींवर त्याचे स्पष्ट संकेत दिसू लागतात. त्यामुळे दुर्लक्ष न करता वेळीच योग्य ते उपचार करणे फार आवश्यक आहे. सुरुवातीच्या टप्पयात दिसून येणाऱ्या लक्षणांकडे अजिबात दुर्लक्ष न करता शरीराची योग्य काळजी घेणे फार आवश्यक आहे. चला तर जाणून घेऊन लिव्हर खराब झाल्यानंतर हातांवर दिसून येणारी लक्षणे.(फोटो सौजन्य – istock)

Health Care: थोडस पाणी प्यायल्यानंतर सुद्धा लगेच लघवीला जावे लागते? शरीर हायड्रेट ठेवण्यासाठी दिवसभर किती पाणी प्यावे

हाताच्या तळव्यांवर लालसरपणा आणि खाज:

हातांच्या तळव्यांवर वारंवार खाज किंवा लालसरपणा जाणवत असेल तर ही सामान्य लक्षणे नसून लिव्हरच्या आजाराची लक्षणे आहेत. शरीरातील विषारी घटक बाहेर पडून जाण्याऐवजी शरीरात तशीच राहून राहिल्यामुळे हातांवर लालसरपणा, खाज, पिवळेपणा जाणवू लागतो. तळव्यांमध्ये अशक्तपणा जाणवू लागल्यास फॅटी लिव्हर, हेपेटायटिस किंवा लिव्हर सिरॉसिस इत्यादी आजारांचे संकेत असू शकतात.

बोटे वाकणे किंवा आखडणे:

तुमची बोटे पूर्वीपेक्षा जास्त प्रमाणात आतल्या बाजूला वाकत असतील किंवा हाताच्या तळव्यांमध्ये ताठरपणा, कडकपणा जाणवत असेल तर दुर्लक्ष करू नये. क्रॉनिक लिव्हर डिसीज किंवा सिरॉसिसचा त्रास, अतिप्रमाणात मद्यपान केल्यामुळे ही लक्षणे दिसू लागतात. नखांचा रंग पूर्णपणे पांढरा होणे किंवा नखांच्या टोकांजवळ, मध्यभागी लाल किंवा गुलाबी रेष तयार झाल्यास रक्तभिसरणात अडथळे निर्माण होऊ शकतात. नखांमध्ये दिसून येणारे बदल लिव्हरच्या आजारांचा धोका दर्शवतात.

Pregnancy After Breast Cancer: ‘कर्करोगानंतरही आई होऊ शकेन का…’, प्रजनन क्षमता, गर्भधारणा आणि स्तनपान तज्ज्ञांचा योग्य सल्ला

नखांना सूज येणे:

लिव्हरच्या आजारांची लागण झाल्यानंतर नखांचे आरोग्य बिघडून जाते. नखांना सूज येणे, गोलाकार, रुंद आणि फुगीर नखे दिसू लागल्यास तातडीने डॉक्टरांचा सल्ला घ्यावा. लिव्हरच्या जुनाट आजारांची लागण झाल्यानंतर संबंधित लक्षणे दिसून येतात. लिव्हरचा आजार शेवटच्या टप्प्यात पोहचल्यानंतर मज्जासंस्थेवर हळूहळू परिणाम होतो. ज्यामुळे हात थरथरणे, कंप सुटणे इत्यादी लक्षणे दिसू लागतात. या लक्षणांकडे अजिबात दुर्लक्ष न करता वेळीच उपचार करावेत.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.