कॉर्नफ्लोरचा वापर न करता घरच्या घरी बनवा रेस्टोरेंट स्टाईल चविष्ट टोमॅटो सूप, वाचा सिंपल रेसिपी

सूप बनवताना ते घट्ट होण्यासाठी कॉर्नफ्लोरचा वापर केला जातो. मात्र आज आम्ही तुम्हाला कॉर्नफ्लोरचा वापर न करता सोप्या पद्धतीमध्ये रेस्टोरेंट स्टाईल चविष्ट टोमॅटो सूप बनवण्याची सोपी रेसिपी सांगणार आहोत.

लहान मुलांपासून मोठ्यांपर्यंत सगळ्यांचं टोमॅटो सूप प्यायला खूप आवडते. टोमॅटो सूप प्रामुख्याने थंडीच्या दिवसांमध्ये मोठ्या प्रमाणावर खाल्ले जाते. वातावरणातील गारव्यामुळे शरीराला उष्णतेची आवश्यकता असते. याशिवाय थंडीमध्ये साथीचे आजार सुद्धा वाढू लागतात. साथीच्या आजारांमध्ये वाढ झाल्यानंतर हळूहळू आरोग्य बिघडू लागते. त्यामुळे हिवाळ्याच्या दिवसांमध्ये आरोग्याची जास्त काळजी घ्यावी. आरोग्याला हानी पोहचेल अशा पदार्थांचे सेवन करू नये. थंडीचे दिवस सुरु झाल्यानंतर अनेक घरांमध्ये संध्याकाळच्या किंवा सकाळच्या नाश्त्यात सूप बनवले जाते. पण कधीकधी घरी सूप बनवताना त्याची चव बिघडून जाते. त्यामुळे आज आम्ही तुम्हाला कॉर्नफ्लोरचा वापर न करतारेस्टोरेंट स्टाईल चविष्ट टोमॅटो सूप बनवण्याची सोपी रेसिपी सांगणार आहोत. चला तर जाणून घेऊया. (फोटो सौजन्य – iStock)

साहित्य:

• टोमॅटो
• कांदा
• गाजर
• बीट
• बटाटा
• काळीमिरी पावडर
• लसूण
• दालचिनी
• मीठ

नवनवीन बातम्यांसाठी इथे क्लिक करा

कृती:

• टोमॅटो सूप बनवण्यासाठी सर्वप्रथम, टोमॅटो आणि इतर भाज्या पाण्याने स्वच्छ करून त्यांचे बारीक तुकडे करून घ्या.
• कुकरमध्ये तेल टाकून त्यात तमाल पत्र, काळीमिरी आणि दालचिनी टाकून हलकी भाजून घ्या.
• नंतर त्यात लसूण, कांदा टाकून मिक्स करून शिजवून घ्या. नंतर त्यात बारीक करून घेतलेल्या सर्व भाज्या टाकून व्यवस्थित मिक्स करा.
• चवीनुसार मीठ टाकून त्यात थोडेसे पाणी घालून कुकरच्या 2 शिट्ट्या काढून घ्या.
• त्यानंतर कुकर थंड झाल्यावर सर्व साहित्य मॅश करून घ्या किंवा मिक्सरमधून बारीक पेस्ट तयार करा.
• कुकरमध्ये तयार केलेली पेस्ट ओतून त्यात आवश्यकतेनुसार पाणी घालून सूपला उकळी काढून घ्या.
• तयार आहे सोप्या पद्धतीमध्ये बनवलेले चविष्ट गरमागरम टोमॅटो सूप.