शिळ्या इडलीपासून बनवा चमचमीत रेसिपी! नाश्त्यासाठी झटपट बनवा खमंग कुरकुरीत इडली तवा फ्राय, नोट करा रेसिपी

शिल्लक राहिलेल्या इडलीपासून तुम्ही सोप्या पद्धतीमध्ये इडली तवा फ्राय बनवू शकता. हा पदार्थ कमीत कमी साहित्यात झटपट तयार होईल. याशिवाय घरी आलेल्या पाहुण्यांसाठी किंवा लहान मुलांच्या डब्यासाठी तुम्ही हा पदार्थ बनवू शकता.

जगभरात साऊथ इंडियन पदार्थ खूप फेमस आहेत. इडली, डोसा, आप्पे इत्यादी अनेक पदार्थ सकाळच्या नाश्त्यात किंवा जेवणातील पदार्थांमध्ये बनवले जातात. लहान मुलांपासून अगदी मोठ्यांपर्यंत सगळ्यांचं इडली सांबार किंवा इडली चटणी खायला खूप जास्त आवडते. पण बऱ्याचदा सकाळी नाश्त्यात बनवलेल्या इडल्या शिल्लक राहिल्यानंतर नेमकं काय करावं सुचत नाही. अशावेळी तुम्ही शिळ्या इडलीपासून कुरकुरीत इडली फ्राय बनवू शकता. हा पदार्थ संध्याकाळच्या नाश्त्यात किंवा इतर वेळी भूक लागल्यानंतर सुद्धा खाऊ शकता. नाश्त्यात बनवले जाणारे सर्वच पदार्थ अतिशय आवडीने खाल्ले जातात. कायमच कांदापोहे, उपमा, शिरा किंवा पराठा खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. अशावेळी तुम्ही इडली फ्राय बनवू शकता. इडली फ्राय हा पदार्थ खोबऱ्याच्या चटणीसोबत किंवा सांबारसोबत अतिशय सुंदर लागेल. चला तर जाणून घेऊया खमंग कुरकुरीत इडली फ्राय बनवण्याची सोपी रेसिपी.(फोटो सौजन्य – istock)

डाळ तांदूळ न आंबवता १० मिनिटांमध्ये हिरव्या मुगांपासून बनवा कुरकुरीत डोसा, झटपट तयार होणारी सोपी रेसिपी

साहित्य:

• शिल्लक राहिलेली इडली
• तूप
• लाल तिखट
• मोहरी
• जिरं
• कढीपत्ता
• मीठ
• धणे
• जिरं पावडर

चंपाषष्ठीनिमित्त अस्सल पारंपरिक पद्धतीमध्ये बनवा झणझणीत वांग्याचं भरीत, नोट करून घ्या रेसिपी

कृती:

• इडली तवा फ्राय बनवण्यासाठी सर्वप्रथम, इडलीचे मध्यम आकाराचे तुकडे करा. इडलीचे जास्त बारीक तुकडे करू नये.
• तवा गरम करून त्यात चमचाभर तूप घाला. त्यानंतर गरम तुपात मोहरी आणि जिरं घालून तडतडून घ्या.
• त्यानंतर त्यात कढीपत्ता, धणे जिरं पावडर, लाल तिखट घालून मिक्स करा आणि कापून घेतलेली इडली टाकून मिक्स करा.
• इडलीचे तुकडे दोन्ही बाजूने कुरकुरीत भाजा. यामुळे पदार्थाची चव अतिशय सुंदर लागेल.
• सगळ्यात शेवटी चवीनुसार मीठ आणि बारीक चिरलेली कोथिंबीर घालून व्यवस्थित मिक्स करून घ्या.
• तयार आहे सोप्या पद्धतीमध्ये बनवलेली खमंग कुरकुरीत इडली तवा फ्राय.