पौष्टिक पदार्थाने करा दिवसाची सुरुवात! घाईगडबडीच्या वेळी नाश्त्यासाठी बनवा गारेगार चिकू मिल्कशेक, नोट करा रेसिपी

सकाळच्या नाश्त्यासाठी सोप्या पद्धतीमध्ये तुम्ही चिकू मिल्कशेक बनवू शकता. हा पदार्थ कमीत कमी साहित्यात झटपट तयार होईल. चला तर जाणून घेऊया चिकू मिल्कशेक बनवण्याची सोपी रेसिपी.

थंडीच्या दिवसांमध्ये बाजारात अनेक वेगवेगळी फळे उपलब्ध असतात. त्यातील अतिशय मऊ आणि लहान मुलांना सहज खाता येणारे फळ म्हणजे चिकू. गोड चवीचा चिकू सगळ्यांचं खायला खूप जास्त आवडतो. चिकूमध्ये नैसर्गिक साखरेचे प्रमाण जास्त असते. त्यामुळे थकवा, अशक्तपणा कमी होण्यास मदत होते. बऱ्याचदा मधुमेह असलेले रुग्ण फळे खाण्यास नकार देतात. पण चिकूचे सेवन केल्यास शरीराला कोणतीही हानी पोहचणार नाही. यामध्ये असलेल्या फायबरमुळे शरीराची पचनक्रिया निरोगी राहते आणि पचनाच्या कोणत्याही समस्या उद्भवुत नाहीत. चिकूमध्ये कॅल्शियम, फॉस्फरस, लोह, मॅग्नेशियम आणि पोटॅशियम इत्यादी अनेक घटक आढळून येतात. म्हणूनच आज आम्ही तुम्हाला सकाळी किंवा संध्याकाळ्च्या नाश्त्यासाठी सोप्या पद्धतीमध्ये चिकू मिल्कशेक बनवण्याची सोपी रेसिपी सांगणार आहोत. हा पदार्थ ५ मिनिटांमध्ये लगेच तयार होतो. याशिवाय पौष्टिकतेने समृद्ध असलेल्या मिल्कशेकचे सेवन केल्यास शरीरात ऊर्जा टिकून राहील.(फोटो सौजन्य – pinterest)

Recipe : तुपात बुडालेली लिट्टी आणि मसालेदार चोखा; युपीची ही पारंपरिक डिश कधी खाल्ली की नाही?

साहित्य:

• चिकू
• भिजवलेले बदाम
• भिजवलेले काजू
• दूध
• केशर
• खजूर

मार्गशीषमधील पहिल्या गुरुवारी देवीच्या नैवेद्यासाठी झटपट बनवा गाजर खीर, रबडीसारखी होईल दाटसर

कृती:

• चिकू मिल्कशेक बनवण्यासाठी सर्वप्रथम, चिकू काहीवेळ पाण्यात भिजत ठेवा. त्यानंतर त्यातील बिया काढून चिकूचे बारीक तुकडे करा.
• खजुरच्या आतील बिया काढून बारीक तुकडे करून घ्या. यामुळे मिक्सरच्या भांड्यात व्यवस्थित मिल्कशेक तयार होईल.
• मिक्सरच्या भांड्यात बारीक तुकडे केले चिकू, खजूर, भिजवलेले बदाम, काजू आणि केशर काड्या घालून त्यात आवश्यकतेनुसार दूध घाला.
• त्यानंतर मिल्कशेक तयार करा. तयार केलेले मिल्कशेक काचेच्या ग्लासात ओतून त्यात बारीक तुकडे केलेले चिकू आणि सुका मेवा घालून सर्व्ह करा.
• तयार आहे सोप्या पद्धतीमध्ये बनवलेले चिकू मिल्कशेक. हा पदार्थ लहान मुलांना सुद्धा खूप जास्त आवडेल.