मार्गशीषमधील पहिल्या गुरुवारी देवीच्या नैवेद्यासाठी झटपट बनवा गाजर खीर, रबडीसारखी होईल दाटसर

देवीच्या नैवेद्यासाठी कायमच गोड पदार्थ बनवले जातात. म्हणूनच आज आम्ही तुम्हाला सोप्या पद्धतीमध्ये गाजर खीर बनवण्याची रेसिपी सांगणार आहोत. हा पदार्थ घाईगडबडीच्या वेळी झटपट तयार होतो.

मार्गशीष महिन्यातील आज पहिला गुरुवार आहे. यादिवशी घरात देवीची घटस्थापना करून मनोभावे पूजा केली जाते. यासोबतच घरात नैवेद्यासाठी अनेक वेगवेगळे गोड पदार्थ बनवले जातात. कायमच शिरा, शेवयांची खीर, रबडी इत्यादी ठराविक पदार्थ बनवले जातात. पण आज आम्ही तुम्हाला सोप्या पद्धतीमध्ये दाटसर गाजर खीर बनवण्याची सोपी रेसिपी सांगणार आहोत. थंडीच्या दिवसांमध्ये बाजारात गाजर मोठ्या प्रमाणावर उपलब्ध असतात. गाजर चवीसोबतच आरोग्यासाठी सुद्धा अतिशय प्रभावी आहे. सॅलड किंवा कोशिंबीर बनवताना गाजरचा वापर केला जातो. गाजरमध्ये विटामिन ए, फायबर आणि अँटीऑक्सिडंट्स इत्यादी अनेक घटक आढळून येतात. तसेच डोळ्यांची कमकुवत झालेली दृष्टी सुधारण्यासाठी गाजरचे सेवन करावे. रोजच्या आहारात नियमित गाजर खाल्ल्यास पचनक्रिया सुधारण्यासोबतच शरीराला भरमसाट फायदे होतात. चला तर जाणून घेऊया सोप्या पद्धतीमध्ये गाजर खीर बनवण्याची रेसिपी.(फोटो सौजन्य – istock)

शिळ्या इडलीपासून बनवा चमचमीत रेसिपी! नाश्त्यासाठी झटपट बनवा खमंग कुरकुरीत इडली तवा फ्राय, नोट करा रेसिपी

साहित्य:

• गाजर
• दूध
• वेलची पावडर
• तांदूळ
• सुका मेवा
• जायफळ
• तूप

Recipe : तुपात बुडालेली लिट्टी आणि मसालेदार चोखा; युपीची ही पारंपरिक डिश कधी खाल्ली की नाही?

कृती:

• गाजर खीर बनवण्यासाठी सर्वप्रथम कढईमध्ये दूध गरम करण्यासाठी ठेवा. दूध गरम झाल्यानंतर मंद आचेवर ठेवावे. यामुळे दुधाला घट्टपणा येईल.
• मिक्सरच्या भांड्यात भिजवलेले तांदूळ आणि थोडस पाणी घालून जाडसर पेस्ट तयार करा. जास्त पातळ पेस्ट बनवू नये.
• कढईमध्ये तूप गरम करण्यासाठी ठेवा. तूप गरम झाल्यानंतर त्यात किसून घेतलेले गाजर घालून व्यवस्थित मिक्स करा. गाजरमधील पाणी पूर्णपणे निघून जाईपर्यंत गाजर भाजा.
• त्यानंतर त्यात गरम केलेले दूध आणि बारीक केलेली तांदूळ पेस्ट घालून चमच्याने सतत मिक्स करत राहा. एक उकळी आल्यानंतर भिजवलेल्या काजूची पेस्ट घालून मिक्स करा.
• चमच्याने खीर सतत मिक्स करत राहा. यामुळे खीर कढईला चिकटणार नाही. सगळ्यात शेवटी खीर शिजल्यानंतर त्यात आवश्यकतेनुसार साखर, वेलची पावडर आणि तुपात भाजलेला सुका मेवा घालून व्यवस्थित मिक्स करा.
• तयार आहे सोप्या पद्धतीमध्ये बनवलेली रबडीसारखी दाटसर गाजर खीर. हा पदार्थ घरातील सगळ्यांचं खूप जास्त आवडेल.