थंडीमध्ये बनवा मिक्स भाज्यांचे चमचमीत चटकदार लोणचं, जेवणात जातील दोन घास जास्त

लहान मुलं भाज्या खाण्याचा अनेकदा कंटाळा करतात. अशावेळी तुम्ही मुलांना भाज्यांचा वापर करून मिक्स लोणचं बनवून देऊ शकता. लोणचं हा पदार्थ लहान मुलांना खूप आवडतो. चला तर जाणून घेऊया लोणचं बनवण्याची कृती.

सकाळच्या किंवा संध्याकाळच्या जेवणात सगळ्यांचं चमचमीत आणि चवीला आंबट गोड पादार्थ खायला खूप आवडतो. त्यात लहान मुलांसह मोठ्यांच्या आवडीचा पदार्थ म्हणजे लोणचं. बाजारात अनेक वेगवेगळ्या प्रकारची लोणची उपलब्ध आहेत. कैरीचे लोणचं, गाजर लोणचं, हिरव्या मिरचीचे लोणचं, मिक्स लोणचं इत्यादी अनेक प्रकारची लोणची बाजारात उपलब्ध आहेत. पण तुम्ही मिक्स भाज्यांचे लोणचं कधी खाल्ले आहे का? नसेल खाल्ले तर ही रेसिपी नक्की बनवून पहा. हिवाळ्यामध्ये बाजारात अनेक वेगवेगळ्या प्रकारच्या भाज्या उपलब्ध असतात.भाज्यांचे सेवन केल्यामुळे आरोग्य सुधारण्यास मदत होते. अनेकदा लहान मुलं भाज्या खाण्यास नकार देतात. त्यामुळे आज आम्ही तुम्हाला सोप्या पद्धतीमध्ये मिक्स भाज्यांचे लोणचं बनवण्याची सोपी सांगणार आहोत.(फोटो सौजन्य – iStock)

नवनवीन बातम्यांसाठी इथे क्लिक करा

साहित्य:

• फ्लॉवर
• गाजर
• लाल तिखट
• मीठ
• तेल
• मोहरीच्या बिया
• बडीशेप
• हळद
• मेथी दाणे
• मटार

नवनवीन बातम्यांसाठी इथे क्लिक करा

कृती:

• मिक्स भाज्यांचे लोणचं बनवण्यासाठी सर्वप्रथम, सर्व भाज्या व्यवस्थित साफ करून पाण्याने स्वच्छ धुवून घ्या.
• त्यानंतर भाज्या बारीक करून कापून घ्या. भाज्यांचे प्रमाण तुम्ही तुमच्या आवडीनुसार घेऊ शकता.
• त्यानंतर बारीक करून घेतलेल्या भाज्यांमध्ये मोहरीची डाळ, थोडी बडीशेप मेथी दाणे टाकून व्यवस्थित मिक्स करा.
• नंतर त्यात लाल तिखट, हिंग, हळद आणि चवीनुसार मीठ टाकून मिक्स करून घ्या.
• तयार केलेल्या लोणच्याच्या मिश्रणावर गरम तेलाची फोडणी देउन ती थंड झाल्यानंतर काचेच्या बरणीमध्ये लोणचं भरून ठेवा.