लहान मुलांच्या नाश्त्यासाठी घरीच बनवा चपाती पॅटीज टॅकोज, पिझ्झा- बर्गरला कायमचे जाल विसरून

लहान मुलांना सकाळच्या नाश्त्यात नेहमीच कांदापोहे, उपमा, शिरा खाऊन कंटाळा आल्यानंतर तुम्ही सोप्या पद्धतीमध्ये चपाती पॅटीज टॅकोज बनवून देऊ शकता. हा पदार्थ बनवण्यासाठी जास्त वेळ लागत नाही.

सकाळच्या नाश्त्यात किंवा इतर भूक लागल्यानंतर लहान मुलांना नेहमीच काहींना काही चटपटीत मसालेदार पदार्थ खाण्यास हवे असतात. नेहमीच मुलांना बाहेरून विकत आणलेले पदार्थ खाण्यास हवे असतात. कधी पिझ्झा तर कधी बर्गर खाण्याची इच्छा मुलांना सतत होते. अशावेळी पालकांनी मुलांना बाहेरून विकत आणलेले पदार्थ खाण्यास न देता घरी बनवलेले पदार्थ खाण्यास द्यावे. कारण नेहमीच बाहेरून विकत आणलेल्या पदार्थांमध्ये अतितेलाचे आणि मसाल्यांचे प्रमाण असते, जे लहान मुलांच्या आरोग्यासाठी योग्य नाही. बाजारात मिळणाऱ्या बर्गर, पिझ्झा आणि इतर पदार्थांमध्ये मोठ्या प्रमाणावर मैद्याचा वापर केला जातो. नेहमीच मैदा खाल्यामुळे पोटाचे आरोग्य बिघडून जाते. म्हणूनच आज आम्ही तुम्हाला चपाती पॅटीज टॅकोज बनवण्याची सोपी रेसिपी सांगणार आहोत. हा पदार्थ १० मिनिटांमध्ये झटपट तयार होतो. याशिवाय कमी तिखट आणि तेलाचे पदार्थ लहान मुलांना नाश्त्यात खाण्यास द्यावे. चला तर जाणून घेऊया रेसिपी.(फोटो सौजन्य – pintrest)

तोंडाची खराब झालेली चव सुधारण्यासाठी झटपट बनवा आंबटगोड कोकम चटणी, पित्त होईल कमी

साहित्य:

• बटाटा
• गाजर
• वाटणे
• लाल तिखट
• हळद
• मीठ
• तांदळाचे पीठ
• गव्हाचं कणिक

दिवसभरात राहाल कायमच उत्साही! सकाळी नाश्त्यासाठी झटपट बनवा Poha Nuggets, नोट करून घ्या रेसिपी

कृती:

• चपाती पॅटीज टॅकोज बनवण्यासाठी सर्वप्रथम, कुकरमध्ये स्वच्छ धुवून घेतलेला बटाटा, मटार आणि गाजर टाकून आवश्यकतेनुसार पाणी घालून कुकरच्या ३ शिट्ट्या काढून घ्या.
• त्यानंतर मोठ्या वाटीमध्ये शिजवलेला बटाटा मॅश करून घ्या. नंतर त्यात मटार आणि गाजर टाकून व्यवस्थित मिक्स करा.
• भाज्या मिक्स करून झाल्यानंतर त्यात लाल तिखट, धणे पावडर, गरम मसाला, मीठ, हळद आणि तांदळाचे पीठ घालून व्यवस्थित मिश्रण तयार करा.
• पॅन गरम करून त्यात बटाट्याच्या छोट्या छोट्या टिक्की बनवून दोन्ही बाजूने खरपूस भाजा.
• गव्हाच्या पिठाची चपाती बनवून अर्धवट कच्ची चपाती भाजून घ्या. भाजून घेतलेल्या चपातीवर कोबीची पाने, टोमॅटो घाला.
• त्यानंतर वरून तयार केलेली पॅटीज ठेवा आणि तिसऱ्या भागात चीज आणि सॉस घालून चपाती फोल्ड करून घ्या.
• तयार केलेले टॅकोज तव्यावर तेल किंवा बटर टाकून दोन्ही बाजूने व्यवस्थित भाजून घ्या. तयार आहे सोप्या पद्धतीमध्ये बनवलेले चपाती पॅटीज टॅकोज.