लहान मुलांच्या आवडीचा Oreo Shake आता घरीच बनवा; अवघ्या 5 मिनिटांची रेसिपी

ओरिओ शेक हे एक असे ड्रिंक आहे जे मोठ्यांनाच काय लहानांच्याही आवडीचे आहे. बाजारात विकत मिळणाऱ्या ओरिओ बिस्किटांपासून त्याला तयार केले जाते. याची रेसिपी फार सोपी आहे आणि तुमच्या काही मिनिटांतच हा शेक घरी तयार करू शकता.

अनेकांना थंडगार आणि स्वादिष्ट ड्रिंक्स प्यायला फार आवडतात. अशाच एका लोकप्रिय ड्रिंकपैकी एक म्हणजे ओरिओ शेक. हा शेक ओरिओ बिस्किनटांपासून तयार केला जातो आणि लहान मुलांना तर याची चव फारच आवडते. ओरिओ बिस्किट्सचा खास चॉकलेटी स्वाद, दूध आणि आईस्क्रीमसोबत मिक्स करून बनवलेला हा शेक लहानांपासून मोठ्यांपर्यंत सगळ्यांनाच आवडतो. ही रेसिपी अगदी सोपी असून काही मिनिटांत तयार होते.

यंदाच्या पावसाळ्यात एकदा नक्की बनवून पहा साऊथ इंडियन स्टाईल फेसाळ Filter Cofee; एका घोटानेच सर्व थकवा होईल दूर

सुट्टीच्या दिवशी आपल्या मुलांसाठी काही खास करायचं असेल किंवा मुलं घरातील जेवण खाण्यास मनाई करत असतील तर त्यांना घरीच हा टेस्टी आणि चॉकलेटी ओरिओ शेक प्यायला द्या. ही एक झटपट रेसिपी आहे जिने तुम्ही तुमच्या मुलांना खुश करू शकता. यासाठी फार मेहनत घेण्याचीही गरज नाही. चला लगेच नोट करून घेऊयात यासाठी लागणारे साहित्य आणि कृती.

साहित्य

• ओरिओ बिस्किट्स – 6 ते 8
• थंड दूध – 1 कप
• व्हॅनिला आईस्क्रीम – 2 स्कूप
• साखर – 1 चमचा (ऐच्छिक)
• चॉकलेट सिरप – सजावटीसाठी
• बर्फाचे तुकडे – 4 ते 5
• व्हीप क्रीम – (ऐच्छिक, सजावटीसाठी)

राजमा खायला आवडत नसेल तर सोप्या पद्धतीमध्ये घरी बनवा कुरकुरीत राजमा टॅकोज, नोट करून घ्या रेसिपी

कृती

• ओरिओ शेक बनवण्यासाठी सर्वप्रथम ओरिओ बिस्कीट घ्या आणि त्याचे बारीक तुकडे करा.
• आता हे तुकडे मिक्सरमध्ये छान वाटून याचा भुगा करून घ्या.
• यानंतर त्यात थंड दूध आणि व्हॅनिला आईस्क्रीम टाका.
• थोडी साखर आणि बर्फाचे तुकडे घालून सगळं एकत्र मिक्स करा.
• गुळगुळीत शेक तयार होईपर्यंत मिक्सर चालवा.
• सर्व्हिंग ग्लासच्या कडांना चॉकलेट सिरप लावा.
• तयार ओरिओ शेक ग्लासमध्ये ओता.
• वरून व्हीप क्रीम आणि चुरलेले ओरिओ तुकडे घालून सजवा.
• तुम्ही चॉकलेट आईस्क्रीम वापरून ओरिओ चॉकलेट शेक देखील बनवू शकता.
• साखर घालणे ऑप्शनल आहे, कारण ओरिओ आणि आईस्क्रीम गोड असतातच.