चहासोबत लुटा गुजराती खांडवीचा मजा, नाश्त्यासाठीचा परफेक्ट हेल्दी पर्याय; रेसिपी नोट करा

Khandvi Recipe : नाश्त्यासाठी एक हेल्दी पर्यायाच्या शोधात असाल तर खांडवी तुमच्यासाठी एक उत्तम पर्याय ठरेल. बेसनापासून तयार होणारा हा पदार्थ चहासोबत खाल्ला जाऊ शकतो.

• खांडवी हा एक भारतीय नाश्त्याचा प्रकार आहे.
• बेसनापासून हा पदार्थ तयार केला जातो.
• गुजरातमध्ये हा पदार्थ अधिकतर खाल्ला जातो.

खांडवी हा गुजरातमधील एक अतिशय प्रसिद्ध आणि चविष्ट स्नॅक आहे. हलका, मऊ आणि तोंडात विरघळणारा असा हा पदार्थ बेसन आणि ताकापासून बनवला जातो. खांडवीची खासियत म्हणजे त्याचे पातळ रोल आणि वर दिलेली मोहरी-कढीपत्त्याची फोडणी. हा पदार्थ दिसायला जितका सुंदर असतो तितकाच खायला देखील स्वादिष्ट असतो.

Recipe : खास प्रसंगावेळी घरी बनवा गोडसर चवीची ‘तांदळाची फिरनी’, चव अशी की सर्वच होतील खुश

संध्याकाळच्या नाश्त्यासाठी, पाहुणे आले असताना किंवा खास प्रसंगी खांडवी बनवली जाते. हा पदार्थ हलका असल्यामुळे पचायलाही सोपा असतो. योग्य पद्धतीने मिश्रण शिजवून पातळ पसरवले तर खांडवीचे परफेक्ट रोल तयार होतात. नारळ आणि कोथिंबीर घालून सजवलेली खांडवी प्लेटमध्ये खूप आकर्षक दिसते. चला तर मग घरीच मऊ आणि चविष्ट खांडवी कशी बनवायची याची रेसिपी जाणून घेऊया.

साहित्य :

• 1 कप बेसन
• 1 कप ताक (किंवा पातळ दही)
• 1 कप पाणी
• 1/2 टीस्पून हळद
• चवीनुसार मीठ

फोडणीसाठी :

• 1 टेबलस्पून तेल
• 1/2 टीस्पून मोहरी
• 1 टीस्पून तीळ
• 6–7 कढीपत्त्याची पाने
•  किसलेला नारळ
• बारीक चिरलेली कोथिंबीर

पाहुण्यांच्या स्वागतासाठी १० मिनिटांमध्ये झटपट बनवा कुरकुरीत हराभरा कबाब, शाहाकारी लोकांसाठी उत्तम पर्याय

कृती :

• एका भांड्यात बेसन, ताक, पाणी, हळद आणि मीठ घालून गाठी न राहता चांगले एकजीव करून घ्या.
• हे मिश्रण कढईत घालून मध्यम आचेवर सतत हलवत शिजवा.
• मिश्रण घट्ट होऊ लागले की लगेच प्लेट किंवा स्वच्छ पृष्ठभागावर पातळ थरात पसरवा.
• थोडे थंड झाल्यावर त्याच्या लांब पट्ट्या कापून सावकाश रोल करा.
• कढईत तेल गरम करून त्यात मोहरी, तीळ आणि कढीपत्ता घालून फोडणी तयार करा.
• ही फोडणी तयार केलेल्या खांडवीवर घाला.
• वरून किसलेला नारळ आणि कोथिंबीर घालून सजवा आणि स्वादिष्ट खांडवी सर्व्ह करा.
• गरम चहा किंवा हिरव्या चटणीसोबत ही खांडवी खूप छान लागते.