यंदाच्या पावसाळ्यात एकदा नक्की बनवून पहा साऊथ इंडियन स्टाईल फेसाळ Filter Cofee; एका घोटानेच सर्व थकवा होईल दूर

फिल्टर कॉफी, तिच्या अफलातून सुगंध व गोडसर चवेसह, दिवसाची सुरुवात आणखीनच मजेदार बनवते. दक्षिण भारतात काॅफीचा हा प्रकार फार लोकप्रिय आहे. यात तुम्हाला एक सुगंधित फेसाळयुक्त काॅफी दिली जाते, जी चवीला अप्रतिम लागते.

(फोटो सौजन्य: Pinterest)

Follow Us:

Follow Us:

फिल्टर कॉफी ही दक्षिण भारतातील एक पारंपरिक आणि अत्यंत प्रसिद्ध गरम पेय आहे. ती खास कॉफी डेकोक्शन आणि गरम दुधाच्या मिश्रणाने तयार केली जाते. तिची चव इतर कोणत्याही इंस्टंट कॉफीपेक्षा वेगळी आणि अनेकपटीने अधिक सुगंधित आणि समृद्ध असते. सकाळच्या सुरुवातीला किंवा संध्याकाळच्या निवांत क्षणात फिल्टर कॉफी मन आणि शरीराला ताजेतवाने करते.

महिलांच्या सर्व आजारांवर गुणकारी उपाय जवसाची चटणी! हाडांच्या वेदना, बद्धकोष्ठता होईल कमी

तुम्ही काॅफी लव्हर्स असाल तर फिल्टर काॅफीची सुगंधित चव तुम्हाला खूप आवडेल. पावसाचे थंड वातावरण आणि गरमा गरम फिल्टर काॅफीचा घोट तुमचा सर्व थकवा दूर करेल. विकेंडच्या दिवशी थोडा स्वत:साठी वेळ काढून तुम्ही घरीच ही काॅफी तयार करु शकता. ही काॅफी तयार करण्याची पद्धत जरा हटके आहे. चला जाणून घेऊया यासाठी लागणारे साहित्य आणि कृती.

साहित्य

• ४ टेबलस्पून साउथ इंडियन फिल्टर कॉफी पावडर
• १/२ कप गरम पाणी
• १ ते १.५ कप दूध
• साखर चवीनुसार
• साउथ इंडियन कॉफी फिल्टर (स्टेनलेस स्टील प्रकारचा)

संध्याकाळच्या नाश्त्याला बनवा चविष्ट Malai Chaap Roll; चव अशी की सर्वच होतील खुश

कृती

• यासाठी प्रथम साउथ इंडियन कॉफी फिल्टर घ्या आणि त्याच्या वरच्या भागात ४ टेबलस्पून फिल्टर कॉफी पावडर टाका.
• आता त्यावर १/२ कप उकळत गरम पाणी ओता आणि झाकण ठेवा.
• १५-२० मिनिटे कॉफीचे डेकोक्शन खाली जमा होईल.
• एका भांड्यात दूध गरम करा आणि त्यात हवे असल्यास साखर घालून ढवळा.
• काही लोक साखर नंतर कॉफीमध्येही घालतात, तेही चालेल.
• एका स्टील कपमध्ये १/४ कप कॉफी डेकोक्शन घ्या.
• त्यात ३/४ कप गरम दूध ओता.
• यानंतर त्यात गरजेनुसार साखर घालून ढवळा.
• पारंपरिक पद्धतीने स्टीलच्या दोन कपामध्ये सर्व्ह करा.
• एका कपातून दुसऱ्या कपात काॅफी टाका आणि मग पुन्हा ही काॅफी पहिल्या कपात ओता, असे केल्याने काॅफी
• छान फेसाळली जाते आणि त्याची चवही सुधारते
• कॉफी पावडर चांगल्या प्रतीची वापरावी – पी साउंड्स, नरसुस, ब्रू फिल्टर कॉफी हे लोकप्रिय ब्रँड आहेत.
• जास्त स्ट्रॉंग कॉफी हवी असल्यास डेकोक्शन अधिक घ्या आणि दूध कमी करा.

Web Title: This monsoon make south indian style filter cofee at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com