बेसनाचा वापर न करता घरी बनवा सोप्या पद्धतीमध्ये कुरकुरीत कोथिंबीर वडी, वाचा सोपी रेसिपी

अनेकदा घरी कोथिंबीर वडी बनवल्यानंतर ती कुरकुरीत होत नाही. त्यामुळे आज आम्ही तुम्हाला बेसन पिठाचा वापर न करता सोप्या पद्धतीमध्ये आणि कुरकुरीत कोथिंबीर वडी बनवण्याची सोपी रेसिपी सांगणार आहोत.

हिवाळ्याच्या दिवसांमध्ये बाजारात मोठ्या प्रमाणावर कोथिंबीर उपलब्ध असते. शिवाय अनेक पालेभाज्यासुद्धा उपलब्ध असतात. कोथिंबीर स्वस्त असल्यामुळे थंडीमध्ये कोथिंबिरीची मोठ्या विक्री केली जाते. तसेच कोथिंबरीपासून अनेक वेगवेगळे पदार्थ सुद्धा बनवले जातात. सर्वच घरांमध्ये प्रामुख्याने बनवला जाणारा पदार्थ म्हणजे कोथिंबीर वडी. कोथिंबीर वडी सगळ्यांचं खूप आवडते. जेवणात भाजी नसेल तर कोथिंबीर वडी खाल्ली जाते. पण अनेकदा घरी कोथिंबीर वडी बनवल्यानंतर ती कुरकुरीत होत नाही. त्यामुळे आज आम्ही तुम्हाला बेसनाचा वापर न करता कुरकुरीत कोथिंबीर वडी कशी बनवावी, याची सोपी रेसिपी सांगणार आहोत. या पद्धतीने कोथिंबीर वडी केल्यास तुम्ही बनवलेल्या पदार्थाचे घरातील सगळे कौतुक करतील. चला तर जाणून घेऊया रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• कोथिंबीर
• मीठ
• लाल तिखट
• तांदळाचे पीठ
• बाजरीचे पीठ
• हिरव्या मिरच्या
• आलं लसूण पेस्ट
• पांढरे तीळ
• ओवा
• हळद
• गरम मसाला
• पाणी
• तेल

नवनवीन रेसिपीसाठी इथे क्लिक करा

कृती:

• कोथिंबीर वडी बनवण्यासाठी सर्वप्रथम, बाजारातून आणलेली कोथिंबीर स्वच्छ साफ करून घ्या. त्यानंतर पाण्याने धुवून बारीक चिरून घ्या.
• बारीक चिरून घेतलेल्या कोथिंबीरमध्ये तांदळाचे पीठ, बाजरीचे पीठ, पांढरे तीळ आणि ओवा टाकून मिक्स करून घ्या.
• त्यानंतर त्यात आलं लसूण मिरचीची पेस्ट, लाल तिखट, हळद, गरम मसाला, पांढरे तीळ टाकून व्यवस्थित मिक्स करा.
• वडीचे पीठ तयार करताना त्यात आवश्यकतेनुसार पाणी घालून घट्टसर पीठ मळून घ्यावे.
• तयार केलेल्या ताटाला तेल लावून त्यावर तयार केलेले वडीचे पीठ पसरवून घ्या.
• टोपात पाणी वाफवण्यासाठी ठेवा. पाण्याला वाफ आल्यानंतर त्यावर चाळणी चाळणी ठेवून त्यात ताट ठेवावे.
• 20 ते 25 मिनिटं वड्या व्यवस्थित शिजल्यानंतर गॅस बंद करून वड्या टोपातून काढून घ्या.
• थंड झाल्यानंतर सुरीच्या सहाय्याने कापून तेलात शॅलो फ्राय करा.
• तयार आहेत सोप्या पद्धतीमध्ये बनवलेल्या कुरकुरीत कोथिंबीर वड्या.