चॉकलेट प्रेमींसाठी खास! आता घरीच बनवा बेकरी स्टाईल ‘Chocolate Mousse’, चव अशी लहानांसह मोठेही होतील खुश

 Chocolate Mousse Recipe : रिच, क्रीमी आणि तोंडात विरघळणारा चॉकलेट मूस विना ओव्हन घरी तयार करता येतो. खास प्रसंगी किंवा गोड खाण्याची इच्छा झाली की हा सोपा आणि झटपट तयार होणारा डेझर्ट आहे.

• चॉकलेट खायला कुणाला आवडत नाही.
• चॉकलेटपासून विविध प्रकार बनवता येतात.
• आज आपण घरच्या घरी चॉकलेट मूस कसा तयार करायचा याची रेसिपी जाणून घेणार आहोत.

चॉकलेट प्रेमींसाठी “चॉकलेट मूस” हा एक अतिशय खास आणि रॉयल डेझर्ट मानला जातो. फ्रेंच खाद्यसंस्कृतीतून जगभर लोकप्रिय झालेला हा मऊ, हलका आणि क्रीमी गोड पदार्थ आज प्रत्येक पार्टी, वाढदिवस किंवा खास डिनरसाठी आवडीने बनवला जातो. “मूस” हा शब्द फ्रेंच भाषेतून आला असून त्याचा अर्थ फेसाळ, हलका असा होतो. त्यामुळेच या डेझर्टची टेक्स्चर स्पंजासारखी हलकी आणि तोंडात विरघळणारी असते.

Ramdan Special : इफ्तार पार्टीला घरी बनवा गोड ‘खजुराची खीर’, मेजवानीची चव करेल दुप्पट

पूर्वी हा पदार्थ केवळ हॉटेल्स किंवा बेकरीमध्येच मिळत असे, पण आता घरच्या घरीही अगदी सोप्या पद्धतीने तयार करता येतो. डार्क चॉकलेटचा हलका कडवटपणा आणि क्रीमची गोड, मखमली चव यांचा सुंदर संगम म्हणजे चॉकलेट मूस. विशेष म्हणजे हा डेझर्ट ओव्हनशिवाय तयार होतो, त्यामुळे नवशिक्यांनाही तो सहज जमतो. पार्टीमध्ये आकर्षक ग्लासमध्ये सर्व्ह केल्यास हा डेझर्ट खूपच उठून दिसतो. वरून चॉकलेट शेव्हिंग्स, ड्रायफ्रूट्स किंवा स्ट्रॉबेरीने सजवले तर त्याची चव आणि सौंदर्य दोन्ही वाढते. चला तर मग, घरीच क्रीमी आणि परफेक्ट चॉकलेट मूस कसा बनवायचा याची रेसिपी जाणून घेऊया

साहित्य

• १ कप डार्क चॉकलेट (चिरलेले)
• १ कप फ्रेश क्रीम (थंड)
• २ टेबलस्पून पिठीसाखर
• १ टीस्पून व्हॅनिला इसेन्स
• १ टेबलस्पून बटर

पारंपरिक चव आणि आरोग्यासाठी फायदेशीर असलेली थंडगार आंबटगोड सोलकढी आता घरीच बनवा, नोट करून घ्या रेसिपी

कृती

• सर्वप्रथम डबल बॉयलर पद्धतीने किंवा मायक्रोवेव्हमध्ये चिरलेले डार्क चॉकलेट आणि बटर एकत्र वितळवून घ्या.
• मिश्रण गुळगुळीत होईपर्यंत हलवा आणि थोडे थंड होऊ द्या.
• थंड फ्रेश क्रीममध्ये पिठीसाखर घालून इलेक्ट्रिक बीटरने सॉफ्ट पीक्स येईपर्यंत फेटून घ्या.
• फेटलेल्या क्रीममध्ये व्हॅनिला इसेन्स घालून हलक्या हाताने मिसळा.
• थंड झालेले वितळलेले चॉकलेट थोडे थोडे करून क्रीममध्ये घाला आणि फोल्डिंग पद्धतीने हलक्या हाताने मिसळा.
• तयार मिश्रण सर्व्हिंग ग्लासमध्ये ओता आणि किमान १–२ तास फ्रिजमध्ये सेट होण्यासाठी ठेवा.
• सेट झालेल्या मूसवर चॉकलेट शेव्हिंग्स, कोको पावडर किंवा फळांचे तुकडे घालून सजवा.