चहासोबत मिळेल परफेक्ट टेस्ट! १० मिनिटांमध्ये झटपट बनवा खमंग कुरकुरीत तांदळाची भजी, नोट करा रेसिपी

गरमागरम चहासोबत खाण्यासाठी तुम्ही कुरकुरीत तांदळाची भजी बनवू शकता. हा पदार्थ कमीत कमी साहित्यात झटपट तयार होतो. चला तर जाणून घेऊया तांदळाची भजी बनवण्याची सोपी रेसिपी.

सकाळच्या नाश्त्यात प्रत्येकाला काहींना काही खाण्याची इच्छा होते.कांदापोहे, उपमा, शिरा, इडली, डोसा खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप इच्छा होते. चहासोबत बिस्कीट, खारी किंवा टोस्ट कायमच खाल्ले जाते. म्हणूनच आज आम्ही तुम्हाला सोप्या पद्धतीमध्ये कुरकुरीत तांदळाची भजी बनवण्याची सांगणार आहोत. सकाळच्या वेळी पोटभर नाश्ता केल्यास संपूर्ण दिवस आनंद आणि उत्साहामध्ये जातो. याशिवाय दुपारच्या वेळी लवकर भूक लागत नाही. बऱ्याचदा संध्याकाळच्या वेळी कामावरून थकून आल्यानंतर चहासोबत काहींना काही कुरकुरीत पदार्थ खाण्याची सगळ्यांचं खूप जास्त इच्छा होते. अशावेळी तांदळाच्या पिठाची भजी अतिशय उत्तम पर्याय आहे. कायमच कांदाभजी, बटाटाभजी, विविध भाज्यांची भजी बनवली जाते. पण तांदळाच्या पिठाची भजी नक्कीच बनवून पहा. चला तर जाणून घेऊया तांदळाच्या पिठाची भजी बनवण्याची सोपी रेसिपी.(फोटो सौजन्य – istock)

पारंपरिक चव आणि आरोग्यासाठी फायदेशीर असलेली थंडगार आंबटगोड सोलकढी आता घरीच बनवा, नोट करून घ्या रेसिपी

साहित्य:

• भिजवलेले तांदूळ
• हिरवी मिरची
• बटाटा
• कोथिंबीर
• मीठ
• तेल
• जिरं
• पाणी

ताक पिताना केलेल्या ‘या’ चुका शरीरासाठी ठरतील घातक, जाणून घ्या ताक पिण्याची योग्य पद्धत

कृती:

• तांदळाचे भजी बनवण्यासाठी सर्वप्रथम, मोठ्या टोपात वाटीभर तांदूळ घेऊन रात्रभर पाण्यात भिजत ठेवा. तांदूळ भिजवताना स्वच्छ धुवून घ्यावेत.
• मिक्सरच्या भांड्यात भिजवलेले तांदूळ टाकून बारीक पेस्ट करून घ्या. तयार केलेल्या पेस्टमध्ये शिजवलेला बटाटा टाका.
• त्यानंतर त्यात बारीक चिरून घेतलेली हिरवी मिरची, कोथिंबीर, जिरं आणि चवीनुसार मीठ घालून हाताने व्यवस्थित मिक्स करा.
• कढईमध्ये तेल गरम करण्यासाठी ठेवा. गरम तेलात चमच्याने तयार केलेल्या पिठाची भजी काढून दोन्ही बाजूने व्यवस्थित तळून घ्या.
• तयार आहे सोप्या पद्धतीमध्ये बनवलेली तांदळाची कुरकुरीत भजी.