एकादशी स्पेशल नाश्ता! उपवासाच्या दिवशी सकाळच्या नाश्त्यासाठी बनवा कुरकुरीत जाळीदार उपवासाचे आप्पे

आषाढी एकादशीच्या उपवासाला सकाळच्या नाश्त्यात तुम्ही जाळीदार उपवासाचे आप्पे बनवू शकता. हा पदार्थ घरातील सगळ्यांचं खूप जास्त आवडेल. चला तर जाणून घेऊया उपवासाचे आप्पे बनवण्याची सोपी रेसिपी.

उपवासाच्या दिवशी प्रामुख्याने साबुदाणा किंवा वरीच्या तांदळापासून बनवलेले पदार्थ खाल्ले जातात. सकाळच्या नाश्त्यात किंवा दुपारच्या वेळी खाण्यासाठी साबुदाणा खिचडी किंवा वडे बनवले जातात. मात्र नेहमीच साबुदाणा खिचडी किंवा वडे खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्याच होते. याशिवाय उपवासाच्या दिवशी उपाशी पोटी साबुदाणा खाल्यामुळे पचनक्रिया बिघडते. गॅस, अपचन किंवा ऍसिडिटी होण्याची जास्त शक्यता असते. त्यामुळे साबुदाणा खाताना त्यासोबत दह्याचे सेवन करावे. दही खाल्यामुळे साबुदाणा पचन होण्यास मदत होते. म्हणूनच आज आम्ही तुम्हाला सोप्या पद्धतीमध्ये उपवासाचे जाळीदार आप्पे बनवण्याची सोपी रेसिपी सांगणार आहोत. आप्पे लहान मुलांपासून अगदी मोठ्यांपर्यंत सगळ्यांचं खूप जास्त आवडतात. साबुदाणा, शेंगदाण्याचं कूट, भगर इत्यादी पौष्टिक पदार्थांपासून तयार केलेले आप्पे चवीला अतिशय सुंदर लागतात. चला तर जाणून घेऊया आप्पे बनवण्याची सोपी रेसिपी.(फोटो सौजन्य – istock)

सकाळच्या नाश्त्यात काकडी आणि ओल्या खोबऱ्यापासून झटपट बनवा मऊसूत डोसा, दिवसाची सुरुवात होईल मस्त

साहित्य:

• साबुदाणा
• भगर
• दही
• जिरे
• पाणी
• दही
• शेंगदाण्याचा कूट
• हिरव्या मिरच्या
• बटाट्याचा किस
• सोडा
• तूप
• कोथिंबीर
• मीठ

हॉटेल सारखा लच्छा पराठा घरी कसा तयार करायचा? एक एक पदर होईल वेगळा… अवघ्या १५ मिनिटांची रेसिपी

कृती:

• उपवासाचे आप्पे बनवण्यासाठी सर्वप्रथम, पॅन गरम करून त्यात भगर आणि साबुदाणे वेगवेगळे भाजून घ्या.
• मिक्सरच्या भांड्यात भाजलेले साबुदाणे आणि भगर टाकून बारीक पावडर तयार करा. त्यानंतर मिक्सरच्या भांड्यात दही आणि आवश्यकतेनुसार पाणी घालून पुन्हा एकदा पातळ पेस्ट तयार करा.
• तयार करून घेतलेली पेस्ट मोठ्या वाटीमध्ये काढून झाकण मारून काहीवेळा तशीच ठेवा.
• तयार केलेल्या मिश्रणात चवीनुसार मीठ, बारीक केलेलं जिरं, शेंगदाण्याचा कूट,बारीक चिरलेल्या हिरव्या मिरच्या, बारीक चिरलेली कोथिंबीर, कच्च्या बटाट्याचा किस घालून व्यवस्थित मिक्स करा.
• तयार केलेल्या पिठात चिमूटभर सोडा घालून व्यवस्थित मिक्स करा. आप्पे पात्र गरम करून त्यात तूप घालून गरम करा.
• त्यानंतर त्यात चमच्याने तयार केलेले मिश्रण टाकून दोन्ही बाजूने व्यवस्थित भाजून घ्या.
• तयार आहे सोप्या पद्धतीमध्ये बनवलेले उपवासाचे आप्पे. हा पदार्थ तुम्ही दह्यासोबत खाऊ शकता.