साध्या जेवणाला येईल चटपटीत चव! ताज्या गाजरांपासून बनवा चमचमीत लोणचे, नोट करून घ्या रेसिपी

आज आम्ही तुम्हाला सोप्या पद्धतीमध्ये गाजर लोणचं बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. जाणून घ्या रेसिपी.

लहान मुलांपासून ते अगदी मोठ्यांपर्यंत सगळ्यांचं लोणचं खायला खूप जास्त आवडते. लोणचं म्हणजे अनेकांसाठी जीव की प्राण. कारण काही जेवणाच्या ताटात भाजी नसली तरी चालते पण आंबट गोड चवीचे लोणचं मात्र हवे असते. बाजारात अनेक वेगवेगळ्या पदार्थापासून बनवलेले लोणचं उपलब्ध आहेत. कैरीचे लोणचं, मिरची लोणचं, लसूण, आवळा, बीट इत्यादी अनेक वेगवेगळ्या पदार्थांपासून लोणचं बनवले जाते. पण आज आम्ही तुम्हाला सोप्या पद्धतीमध्ये गाजर लोणचं बनवण्याची सोपी रेसिपी सांगणार आहोत. थंडीच्या दिवसांमध्ये बाजारात गाजर मोठ्या प्रमाणावर उपलब्ध असतात. गाजरपासून हलवा किंवा इतर अनेक वेगवेगळे पदार्थ बनवले जातात. गाजरपासून बनवलेले पदार्थ चावीलाच नाहीतर शरीरासाठी सुद्धा फायदेशीर ठरते. लोणचं तुम्ही भाकरी, डाळभात, चपाती किंवा पराठासोबत सुद्धा खाऊ शकता. चला तर जाणून घेऊया गाजर लोणचं बनवण्याची सोपी कृती.(फोटो सौजन्य – pinterest)

लहान मुलांना डब्यात द्या कुरकुरीत पदार्थ! ५ मिनिटांमध्ये झटपट बनवा कुरमुऱ्यांचे लाडू, नोट करून घ्या रेसिपी

साहित्य:

• गाजर
• बडीशेप
• मीठ
• जिरं
• मोहरी
• कांद्याची बी
• हळद
• लाल तिखट
• आमचूर पावडर
• तेल
• हिंग

आजीबाईच्या स्वयंपाक घरातील सीक्रेट रेसिपी! शिळ्या भाजीपासून ५ मिनिटांमध्ये बनवा गरमागरम टेस्टी पराठे

कृती:

• गाजर लोणचं बनवण्यासाठी सर्वप्रथम, गाजर स्वच्छ पाण्याने धुवून त्यांच्या वरील साल काढून मध्यम आकाराचे उभे तुकडे करा.
• कढईमध्ये धणे, बडीशेप, जिरं, मोहरी मंद आचेवर भाजा. त्यानंतर थंड करण्यासाठी ठेवा.
• थंड झाल्यानंतर मिक्सरच्या भांड्यात टाकून बारीक पावडर तयार करून घ्या. या मसाल्यामुळे लोणचं चविष्ट होईल.
• कढईमध्ये तेल गरम करून त्यात कांद्याचं बी घालून भाजून घ्या. त्यानंतर त्यात गाजर घालून मिक्स करा.
• तयार केलेला मसाला, हळद, लाल तिखट आणि आमचूर पावडर घालून पुन्हा एकदा व्यवस्थित मिक्स करून घ्या.
• गाजर आणि मसाले व्यवस्थित मिक्स झाल्यानंतर गॅस बंद करून तयार केलेले मिश्रण थंड करा आणि काचेच्या बरणीमध्ये भरून ठेवा.
• तयार आहे सोप्या पद्धतीमध्ये बनवलेले गाजर लोणचं.