पिकलेल्या केळींपासून १५ मिनिटांमध्ये झटपट बनवा कापसासारखे मऊ चवदार आप्पे, लहान मुलांसाठी गोड पदार्थ

आज आम्ही तुम्हाला पिकलेल्या केळीपासून आप्पे बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. जाणून घ्या आप्पे बनवण्याची रेसिपी.

शरीराला पोषण देण्यासाठी आहारात वेगवेगळ्या ताज्या फळांचे सेवन केले जाते. त्यातील सगळ्यांच्या आवडीचे फळ म्हणजे केळी. गोड मऊसर केळी लहान मुलांना खूप जास्त आवडतात. नियमित २ किंवा ३ केळी खाल्ल्यास पचनक्रिया सुधारण्यासोबतच वजन वाढण्यास सुद्धा मदत होईल. केळी खाल्ल्यामुळे पोट जास्त वेळ भरलेले राहते. लवकर भूक लागत नाही. पण बऱ्याचदा केळी विकत आणल्यानंतर ती खूप जास्त पिकतात आणि मऊ होतात. जास्त पिकलेली केळी लहान मुलांना खायला आवडत नाही. अशावेळी प्रश्न पडतो की केळी फेकून द्यावी किंवा खावी? पण केळी फेकून देण्याऐवजी त्यापासून तुम्ही अनेक वेगवेगळे पदार्थ बनवून खाऊ शकता. आज आम्ही तुम्हाला पिकलेल्या केळींपासून चवदार गोडसर आप्पे बनवण्याची सोपी रेसिपी सांगणार आहोत. यापूर्वी तुम्ही रवा किंवा इडलीच्या पिठापासून बनवलेले आप्पे खाल्ले असतील, पण केळीपासून बनवलेले आप्पे चवीला अतिशय सुंदर लागतात. केळीचे आप्पे बनवताना मैदा किंवा साखरेचा वापर करण्याची अजिबात आवश्यकता नाही. त्यामुळे मधुमेह किंवा आरोग्यासंबंधित इतर वेगवेगळ्या आजारांनी त्रस्त असलेले लोक सुद्धा केळीचे आप्पे सहज खाऊ शकता. चला तर जाणून घेऊया केळीचे आप्पे बनवण्याची सोपी रेसिपी.(फोटो सौजन्य – pinterest)

वीकेंडला १५ मिनिटांमध्ये बनवा हॉटेल स्टाइल ‘तंदूर पनीर टिक्का’, पाहतच क्षणी सुटेल तोंडाला पाणी

साहित्य:

• पिकलेली केळी
• दूध
• वेलची पावडर
• तेल
• मैदा
• गूळ पावडर
• बेकिंग पावडर
• बेकिंग सोडा
• अक्रोड
• वितळलेलं लोणी

साध्या जेवणाला येईल चटपटीत चव! ताज्या गाजरांपासून बनवा चमचमीत लोणचे, नोट करून घ्या रेसिपी

कृती:

• पिकलेल्या केळीचे आप्पे बनवण्यासाठी सर्वप्रथम, केळीची साल काढून मध्यम आकाराचे तुकडे करून घ्या किंवा मिक्सरच्या भांड्यात केळीचे तुकडे आणि दूध घालून पेस्ट तयार करा.
• मोठ्या वाटीमध्ये तयार केलेले मिश्रण, तेल, बटर, पिठी साखर घालून सर्व साहित्य एकजीव होईपर्यंत मिक्स करा. त्यानंतर त्यात मैदा आणि पिठीसाखर घालून व्हिस्कीच्या सहाय्याने मिक्स करून घ्या.
• तयार केलेल्या मिश्रणात बेकिंग सोडा आणि बेकिंग पावडर घालून मिक्स करा. त्यानंतर त्यात अक्रोडाचे बारीक केलेले तुकडे टाका.
  आप्पे बनवण्याचे मिश्रण काहीवेळ तसेच बाजूला ठेवा. आप्पे पात्र गरम करण्यासाठी ठेवा.
• गरम झालेल्या भांड्यात तूप किंवा तेल टाकून व्यवस्थित कडकडीत गरम करून घ्या. त्यानंतर त्यात तयार केलेले मिश्रण टाकून आप्पे दोन्ही बाजूने व्यवस्थित भाजून कुरकुरीत करा.
• तयार आहेत सोप्या पद्धतीमध्ये बनवलेले केळीचे मऊ लुसलुशीत खमंग आप्पे.