घरी आलेल्या पाहुण्यांसाठी १० मिनिटांमध्ये बनवा रुचकर गरमागरम पुलाव, वाचा सिंपल रेसिपी

घरी आलेल्या पाहुण्यांसाठी स्पेशल पदार्थ बनवायचा असेल तर तुम्ही १० मिनिटांमध्ये पुलाव बनवू शकता. तुम्ही बनवलेला पुलाव घरातील सगळ्यांना नक्की आवडेल. पुलाव बनवण्यासाठी जास्त वेळ लागत नाही.

दिवाळीच्या दिवसांमध्ये घरी सतत पाहुणे येतात. घरी आलेल्या पाहुण्यांच्या पाहुणचाराची मोठी तयारी केली जाते. जेवणात वेगवेगळे पदार्थ बनवले जातात. पण सतत डाळ, भात, भाजी, चपाती बनवून कंटाळा आल्यानंतर घरी आलेल्या पाहुण्यांसाठी नेमकं काय बनवावं? असा प्रश्न घरातील सर्वच महिलांना पडतो. अशावेळी तुम्ही 10 मिनिटांमध्ये पुलाव बनवू शकता. पुलाव बनवण्यासाठी जास्त वेळ लागत नाही. कमीत कमी वेळात झटपट पुलाव तयार होतो. वेगवेगळ्या भाज्या घालून केलेला पुलाव घरातील लहान मुलांपासून मोठ्यांपर्यंत सगळ्यांचं नक्की आवडेल. पुलाव किंवा बिर्याणी बनवण्यासाठी खूप जास्त वेळ लागतो असे अनेकांना वाटते. पण तुम्ही कुकरमध्ये झटपट पुलाव बनवू शकता. कुकरमध्ये बनवलेल्या पुलावाला छान चव लागते. त्यामुळे तुम्हीसुद्धा कुकरमध्ये पुलाव नक्की बनवून पहा. चला तर जाणून घेऊया 10 मिनिटांमध्ये पुलाव बनवण्याची सोपी रेसिपी.(फोटो सौजन्य-istock)

साहित्य:

• बासमती तांदूळ
• मटार
• फ्लॉवर
• बटाटा
• गाजर
• फरसबी
• गरम मसाले
• लाल तिखट
• मीठ
• पुलाव मसाला
• लिंबाचा रस
• कांदा
• टोमॅटो

हे देखील वाचा: सकाळचा नाश्ता होईल आणखीन स्वादिष्ट, नाश्त्यामध्ये बनवा चमचमीत दलिया आप्प्पे

कृती:

• पुलाव बनवण्यासाठी सर्वप्रथम 1 वाटी तांदूळ स्वच्छ साफ करून काहीवेळ पाण्यात भिजत ठेवा. तांदूळ व्यवस्थित भिजल्यानंतर पुलाव छान फुलतो.
• कुकरमध्ये तेल किंवा तूप गरम करण्यासाठी ठेवा. तेल गरम झाल्यानंतर त्यात अख्खे गरम मसाले टाकून भाजून घ्या.
• नंतर त्यात कांदा आणि टोमॅटो टाकून मिक्स करा. कांदा भाजण्यासाठी त्यात चवीनुसार मीठ टाकून मिक्स करा.
• मीठ टाकल्यामुळे कांदा व्यवस्थित भाजला जाईल आणि पदार्थाची चव वाढण्यास मदत होईल.
• नंतर त्यात सर्व मसाले, हळद, लाल तिखट, पुलाव मसाला टाकून मिक्स करा. मग वरून बारीक चिरून घेतलेल्या भाज्या टाका.
• भाज्या टाकून मिक्स करा आणि त्यात तांदूळ टाका. मिक्स करून त्यात आवश्यकतेनुसार पाणी टाकून कुकरचे झाकण बंद करून घ्या.
• कुकरला पाच ते सहा शिट्या काढा. कुकर उघडल्यानंतर सगळ्यात शेवटी त्यात लिंबाचा रस आणि कोथिंबीर टाकून सर्व्ह करा.
• तयार आहे 10 मिनिटांमध्ये बनवलेला पुलाव.