साखर गुळाचा वापर न करता हिवाळ्यात बनवा हेल्दी टेस्टी डिंकाचे लाडू, वाचा सोपी रेसिपी

थंडी चालू झाल्यानंतर मेथीचे किंवा डिंकाचे लाडू बनवले जातात. हे लाडू आरोग्यासाठी अतिशय पौष्टिक आहेत. नियमित डिंकाच्या १ लाडूचे सेवन केल्यामुळे रोगप्रतिकारशक्ती वाढण्यास मदत होते.

थंडी सुरु झाल्यानंतर सगळीकडे वातावरणात गारवा असतो. थंडीच्या दिवसांमध्ये अनेक ठिकाणी शेकोटी पेटवली जाते. शिवाय घरामध्ये उबदार कपडे, गरमा गरम जेवण इत्यादी अनेक गोष्टी केल्या जातात. शिवाय अनेक घरांमध्ये थंडी चालू झाल्यानंतर मेथीचे किंवा डिंकाचे लाडू बनवले जातात. हे लाडू आरोग्यासाठी अतिशय पौष्टिक आहेत. कारण हिवाळ्याच्या दिवसांमध्ये शरीरातील कमी झालेली रोगप्रतिकारशक्ती वाढवण्यासाठी आणि ऊर्जा वाढवण्यासाठी मेथी आणि डिंकाचे लाडू मदत करतात. मधुमेहापासून ते इतर आजारांनी त्रस्त असलेले लोकसुद्धा डिंकाचे लाडू खाऊ शकतात. आज आम्ही तुम्हाला सोप्या पद्धतीमध्ये डिंकाचे लाडू कसे बनवावे, याची सोपी रेसिपी सांगणार आहोत. हे लाडू तुम्ही साखर किंवा गुळाचा वापर न करता बनवू शकता. नैसर्गीक गोडवा असलेले लाडू बनवण्यासाठी जास्त वेळ लागत नाही. चला तर जाणून घेऊया साखर गुळाचा वापर न करता डिंकाचे लाडू बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• डिंक
• सुकं खोबरं
• तीळ
• खसखस
• मेथी
• तूप
• खारीक पावडर
• मुगाच्या डाळीचे पीठ
• काजू बदाम
• खजूर
• सुंठ पावडर

नवनवीन रेसिपीसाठी इथे क्लिक करा

कृती:

• साखर गुळाचा वापर न करता डिंकाचे लाडू बनवण्यासाठी सर्वप्रथम, कढई गरम करून त्यात मंद आचेवर खोबरं भाजून घ्या.
• त्यानंतर त्यात खसखस, मेथी , तीळ भाजून घ्या. हे पदार्थ जास्त वेळ भाजू नये.
• कढईमध्ये तूप टाकून त्यात खारीक पावडर, मुगाच्या डाळीचे पीठ आणि काजू बदामाचे तुकडे टाकून व्यवस्थित भाजून घ्या.
• खजूरमधील बिया काढून मिक्समधून बारीक वाटा. तयार केलेली पावडर कढई मधून भाजून घ्या. शिवाय भाजून घेतलेल्या सर्व साहित्याची बारीक पावडर करा.
• मोठ्या भांड्यात तयार करून घेतलेले सर्व साहित्य घेऊन एकत्र व्यवस्थित मिक्स करून घ्या. त्यात गरम तूप टाकून तुम्हाला हवे त्या आकाराचे लाडू बनवून घ्या.
• तयार आहेत साखर गुळाचा वापर न करता बनवलेले पौष्टिक डिंकाचे लाडू.