चमकदार आणि मऊ त्वचेसाठी घरच्या घरी ‘या’ पद्धतीमध्ये बनवा तुपाचं मॉइश्चरायझर, त्वचा आतून राहील निरोगी

त्वचेची खराब झालेली गुणवत्ता सुधारण्यासाठी घरगुती पद्धतीने बनवलेल्या तुपाच्या मॉइश्चरायझरचा वापर करावा. यामुळे त्वचा अधिक सुंदर आणि उठावदार होते. तुपामुळे त्वचा हायड्रेट राहून ओलावा टिकून राहतो.

वर्षाच्या बाराही महिने त्वचेची योग्य काळजी घ्यावी. प्रत्येक ऋतूंनुसार त्वचेमध्ये सतत काहींना काही बदल होत असतात. हिवाळ्याच्या दिवसांमध्ये त्वचा अतिशय कोरडी होते तर उन्हाळ्यात त्वचा अतिशय तेलकट आणि चिकट होऊन जाते. त्यामुळे बदलत्या ऋतूंनुसार स्किन केअर रुटीनमध्ये सुद्धा बदल करणे आवश्यक आहे. स्किन केअर रुटीनमध्ये बदल करून त्वचेला सूट होणाऱ्या प्रॉडक्टचा वापर करावा. त्वचेसंबंधित समस्या उद्भवल्यानंतर अनेक महिला बाजारात उपलब्ध असलेल्या वेगवेगळ्या ट्रीटमेंटचा वापर करतात. मात्र तरीसुद्धा त्वचेची गुणवत्ता सुधारली जात नाही. त्वचा कोरडी किंवा निस्तेज झाल्यानंतर बाजारात मिळणाऱ्या महागड्या प्रॉडक्टचा वापर करण्याऐवजी घरगुती पदार्थांचा वापर करावा.(फोटो सौजन्य – iStock)

केस गळतीच्या समस्येपासून कायमचा आराम मिळवण्यासाठी कोमट पाण्यात मिक्स करून प्या ‘हा’ पदार्थ, केसांची होईल वाढ

उन्हाळ्यात त्वचेमधील ओलावा कायम टिकवून ठेवण्यासाठी मॉइश्चरायझर लावणे आवश्यक आहे. त्वचेच्या प्रकाराला सूट होईल असे मॉइश्चरायझर चेहऱ्यावर नियमित लावावे. यामुळे त्वचा हायड्रेट आणि निरोगी राहते. पण अनेक महिला चुकीच्या प्रकारचे मॉइश्चरायझर विकत घेऊन त्वचेची गुणवत्ता खराब करून टाकतात. त्यामुळे आज आम्ही तुम्हाला तुपाचा वापर करून मॉइश्चरायझर बनवण्याची सोपी पद्धत सांगणार आहोत. या पद्धतीमध्ये मॉइश्चरायझर बनवून त्वचेवर लावल्यास चेहरा अतिशय सुंदर आणि मऊ होईल.

तुपाचे मॉइश्चरायझर बनवण्याची सोपी पद्धत:

साहित्य:

• तूप
• नारळाचे तेल
• गुलाब पाणी
• कोरफड जेल
• मध
• विटामिन ई कॅप्सूल
• टी ट्री ऑइल

कृती:

• तुपाचा वापर करून मॉइश्चरायझर बनवण्यासाठी सर्वप्रथम, मंद आचेवर तूप गरम करून थंड होण्यासाठी ठेवा.
• त्यानंतर वाटीमध्ये नारळाचे तेल, कोरफड जेल आणि गरम करून थंड केलेले तूप टाकून मिक्स करा.
• नंतर त्यात गुलाब पाणी, मध, विटामिन ई कॅप्सूल आणि टी ट्री ऑइलचे काही थेंब टाकून मिक्स करून घ्या.
• दाटसर क्रीम तयार झाल्यानंतर बंद डब्यात मॉइश्चरायझर भरून ठेवा. नियमित रात्री झोपताना किंवा मेकअप करण्याच्या आधी
• तुम्ही मॉइश्चरायझर लावू शकता.

कुणी नाकाचा आकार बदलतात, तर कुणी ओठ; बोटॉक्स सर्जरी नेमकं आहे तरी काय? अभिनेत्रीच्या खुलाशानंतर चाहतेही चकित

नारळाच्या तेलात असलेले गुणधर्म त्वचेची खराब झालेली गुणवत्ता सुधारतात. याशिवाय यामुळे त्वचा अतिशय मऊ आणि मुलायम होते. उन्हाळ्याच्या दिवसांमध्ये त्वचा हायड्रेट आणि थंड राहण्यासाठी कोरफड जेल त्वचेवर लावावे. कोरफड जेलमध्ये असलेले गुणधर्म त्वचेमध्ये नैसर्गिक चमक कायम टिकवून ठेवतात. विटामिन ई मध्ये अँटीऑक्सिडंट त्वचेवर सुरकुत्या कमी करून त्वचा कायम तरुण ठेवण्यासाठी मदत करतात. बाजरात उपलब्ध असलेल्या केमिकल युक्त प्रॉडक्टचा वापर करण्याऐवजी घरगुती पदार्थांचा वापर त्वचेसाठी करावा.