सुंदर आणि मुलायम केसांसाठी घरीच तयार करा हेअर मास्क, केसांच्या समस्या होतील दूर

केस कोरडे झाल्यानंतर महिला घरगुती उपाय करण्याऐवजी केमिकल ट्रीटमेंट करण्यास जास्त प्राधान्य देतात. यामुळे केसांची वाढ न होता केस आणखीन खराब होण्याची शक्यता असते.

सुंदर आणि निरोगी केसांसाठी महिला सतत काहींना काही उपाय करत असतात. केसांची वाढ मजबूत होण्यासाठी केसांना तेल लावणे. हेअर मास्क लावणे इत्यादी अनेक उपाय केले जातात. पण काहीवेळा वातावरणातील बदलांमुळे केसांची गुणवत्ता खराब होण्यास सुरुवात होते. कधीही ऊन, वारा, पाऊस असल्यामुळे केसांची गुणवत्ता खराब होऊन केस कोरडे आणि रुक्ष होऊन जातात. केस कोरडे झाल्यानंतर महिला घरगुती उपाय करण्याऐवजी केमिकल ट्रीटमेंट करण्यास जास्त प्राधान्य देतात. यामुळे केसांची वाढ न होता केस आणखीन खराब होण्याची शक्यता असते.

केसांची गुणवत्ता सुधारण्यासाठी केसांना आतून पोषण देणे आवश्यक आहे. रोजच्या आहारात फळे, भाज्या, पौष्टिक पदार्थांचे सेवन करणे गरजेचे आहे. आहारात बदल करून बाहेरचे पदार्थ खाण्याऐवजी पौष्टिक पदार्थांचे सेवन करावे. ज्यामुळे शरीराला आतून पोषण मिळेल. त्यामुळे आज आम्ही तुम्हाला केसांच्या मजबूत वाढीसाठी घरगुती हेअर मास्क कशा पद्धतीने तयार करावा, याची सोपी पद्धत सांगणार आहोत. या पद्धतीने तयार केलेला हेअर मास्क केसांना लावल्यास केस मजबूत आणि मुलायम दिसतील.(फोटो सौजन्य-istock)

हे देखील वाचा: रोज ब्रश करूनही दातांवर साचतोय पिवळा थर? कारण आणि सोपे घरगुती उपाय

घरगुती हेअर मास्क बनवण्याची कृती:

• दही
• केळी
• फ्लॅक्स सीड्स जेल
• आर्गन तेल
• कोरफड जेल

कृती:

• हेअर मास्क बनवण्यासाठी सर्वप्रथम पिकलेलं केळ घेऊन त्याची साल काढून व्यवस्थित मॅश करून घ्या.
• नंतर त्यात दही आणि फ्लॅक्स सीड्स जेल,आर्गन तेल टाकून पुन्हा एकदा मिक्स करा.
• नंतर त्यात सगळ्यात शेवटी कोरफड जेल टाकून व्यवस्थित मिक्स करून घ्या.
• तयार केलेले मिश्रण केसांच्या मुळांपासून टोकांपर्यंत सगळीकडे व्यवस्थित लावून 30 मिनिटं तसेच ठेवून घ्या.
• यामुळे केसांची वाढ होण्यास मदत होईल आणि केस सुंदर दिसतील.
• 30 मिनिटं झाल्यानंतर केस कोमट पाण्याने स्वच्छ धुवून घ्या. हेअर मास्क लावल्यामुळे केस मऊ आणि चमकदार दिसू लागतील.

हे देखील वाचा: केसगळतीपासून सुटका हवी आहे? मग अवघ्या 10 रुपयांत घरीच तयार करा ‘हे’ आयुर्वेदिक तेल

हेअर मास्क लावण्याचे फायदे:

केसांच्या उत्तम आणि निरोगी वाढीसाठी तुम्ही केसांना आठवड्यातून एकदा किंवा दोनदा घरगुती हेअर मास्क लावू शकता. यामुळे तुमच्या केसांची खराब झालेली गुणवत्ता सुधारण्यास मदत होईल. केसांच्या वाढीसाठी फ्लॅक्स सीड्स अतिशय प्रभावी आहेत. तसेच कोरफड जेल केसांना लावल्यामुळे केसांमधील, टाळूवरील उष्णता कमी होऊन आराम मिळेल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.