उन्हाळ्याच्या सुट्टीमध्ये लहान मुलांसाठी बनवा हेल्दी टेस्टी मिक्स भाज्यांचे सँडविच, लहान मुलं होतील खुश

लहान मुलांपासून ते अगदी मोठ्यांपर्यंत सगळ्यांचं सँडविच खायला खूप आवडत. म्हणून आज आमहीं तुम्हाला मिक्स भाज्यांचा वापर करून चविष्ट आणि हेल्दी टेस्टी मिक्स भाज्यांचे सँडविच बनवण्याची सोपी रेसिपी सांगणार आहोत.

उन्हाळा ऋतूला सुरुवात झाल्यानंतर लहान मुलं आतुरतेने उन्हाळ्याच्या सुट्टीची वाट पाहतात. उन्हाळ्याची सुट्टी लागल्यानंतर बाहेर फिरायला जाणं, मैदानी खेळ, इतर अनेक गोष्टी लहान मुलं करतात. बाहेरून आल्यानंतर सगळ्यांचं काहींना काही खाण्याची इच्छा होते. भूक लागल्यानंतर नेमकं काय खावं हा प्रश्न सगळ्यांचं पडतो. अशावेळी तुम्ही नाश्त्यात भाज्यांचा वापर करून सँडविच बनवू शकता. सँडविच हा पदार्थ लहान मुलांपासून ते अगदी मोठ्यांपर्यंत सगळ्यांचं खूप आवडतो. सँडविचचे नाव घेतल्यानंतर अनेकांच्या तोंडाला पाणी सुटते. बाजारात अनेक वेगवेगळ्या पदार्थांचा वापर करून बनवलेले सँडविच मिळतात. मात्र आज आम्ही तुम्हाला मिक्स भाज्यांचा वापर करून सँडविच बनवण्याची सोपी रेसिपी सांगणार आहोत.लहान मुलांना भाज्या खायला आवडत नाहीत. अशावेळी मुलांसाठी तुम्ही याप्रकारे भाज्यांचा वापर करून बनवलेली रेसिपी खाण्यास देऊ शकता.(फोटो सौजन्य – iStock)

सकाळच्या नाश्त्यात झटपट बनवा हेल्दी टेस्टी ॲव्होकॅडो टोस्ट, नोट करून घ्या सिंपल रेसिपी

साहित्य:

• ब्रेड
• चीज
• टोमॅटो
• कांदा
• बीटरूट
• शिमला मिरची
• मेयॉनीज
• मस्टर्ड सॉस
  जांभळ्या रंगाचा कोबी
• काळीमिरी पावडर
• मीठ

रामाच्या नैवेद्यासाठी १० मिनिटांमध्ये झटपट बनवा दुधी भोपळ्याचा चविष्ट हलवा, नोट करून घ्या रेसिपी

कृती:

• मिक्स भाज्यांचे सँडविच बनवण्यासाठी सर्वप्रथम, वाटीमध्ये मेयोनेज, मस्टर्ड सॉस, मीठ, चवीनुसार साखर, काळीमिरी पावडर आणि लिंबाचा रस टाकून मिक्स करून सॉस बनवून घ्या.
• तुमच्या आवडीनुसार सर्व भाज्या घेऊन स्वच्छ धुवून बारीक चिरून घ्या.
• मोठ्या वाटीमध्ये चिरून घेतलेल्या भाज्या घेऊन त्यावर तयार केलेले मस्टर्ड सॉस टाकून मिक्स करा.
• ब्रँडच्या स्लाइसवर तयार करून घेतलेले सर्व मिश्रण ठेवून वरून दुसरा ब्रेड स्लाइस ठेवा.
• तयार करून घेतलेले सँडविच सुरीच्या सहाय्याने कापून खाण्यासाठी सर्व्ह करा. तयार आहे सोप्या पद्धतीमध्ये बनवलेले मिक्स भाज्यांचे सँडविच.